“აშშ-ის პრეზიდენტის მისალმებას გადმოგცემთ” – ასე მიესალმა აშშ-ის ვიცეპრეზიდენტი, მაიკ პენსი “ღირსეული პარტნიორი 2017”-ის სწავლებაში მონაწილე სამხედროებს.

მაიკ პენსმა აღნიშნა, რომ საქართველო ამერიკის სტრატეგიული პარტნიორია. მისი თქმით, აშშ საქართველოს გვერდით დგას.

განცხადება ამერიკის შეერთებული შტატების ვიცე პრეზიდენტმა შერეული სამხედრო საავიაციო ბაზის ტერიტორიაზე გააკეთა.

„მოხარული ვარ, რომ თქვენ დღეს მოგმართავთ აქ,“ – ამ სიტყვებით მიმართა აშშ-ის ვიცე-პრეზიდენტმა მაიკ პენსმა შერეული სამხედრო საავიაციო ბაზის ტერიტორიაზე, ნატოსა და მოკავშირე ქვეყნების ჯარისკაცებს და ბაზაზე შეკრებილ ხელისუფლების წევრებს.

აშშ-ის ვიცე-პრეზიდენტმა შეკრებილ სამხედროებს მიმართა და განუცხადა, რომ ის საქართველოში დონალდ ტრამპის დავალებით იმყოფება.

„თავისუფალი სამყაროს ლიდერის, ამერიკის შეერთებული შტატების პრეზიდენტის დონალდ ტრამპის მისალმებას გადმოგცემთ,“ – განაცხადა მაიკ პენსმა.

მისი თქმით, ამერიკა და საქართველოს ერთობლივი ღირებულებები აქვთ, რაც თავისუფლებისთვის სწრაფვას გულისხმობს.

„ჩვენ აქ ვდგავართ იმისთვის, რომ ხაზი გავუსვათ ურყევ პოზიციას, რომ ჩვენ ქართველ მეგობრებს ვუთხრათ, რომ ჩვენ თქვენ გვერდით ვდგავართ. ჩვენ საქართველოს ხალხის გვერდზე ვდგავართ, ასევე თქვენ მისწრაფებაში გიჭერთ გაწევრიანდეთჩრდილოეთ ატლანტიკურ ორგანიზაციაში,“ – განაცხადა მაიკ პენსიმ.

ბაზაზე, ასევე იმყოფებიან საქართველოს პრემიერმინისტრი გიორგი კვირიკაშვილი, მასთან ერთად იმყოფება საგარეო საქმეთა მინისტრი მიხეილ ჯანელიძე, ასევე საქართველოს ელჩი აშშ-ში დავით ბაქრაძე და საქართველოს თავდაცვის მინისტრი ლევან იზორია.

rustavi2.ge

დატოვეთ კომენტარი

კომენტარები