საზოგადოება

აშშ არ აღიარებს ცხინვალში დაგეგმილ რეფერენდუმს და მხარს უჭერს საქართველოს მთლიანობას

ამის შესახებ ინფორმაცია აშშ-ის სახელმწიფო დეპარტამენტმა საკუთარ ვებ-გვერდზე გაავრცელა.

განცხადებაში აღნიშნულია, რომ აფხაზეთი და სამხრეთ ოსეთი საქართველოს განუყოფელი ნაწილია.

“ეს არალეგიტიმური არჩევნები და რეფერენდუმი საქართველოს ტერიტორიაზე, საქართველოს მთავრობის თანხმობის გარეშე მიმდინარეობს. ამერიკის შეერთებული შტატები საქართველოს ტერიტორიულ მთლიანობას და სუვერენიტეტს მის საერთაშორისოდ აღიარებულ საზღვრებში მხარს უჭერს. ჩვენი პოზიცია აფხაზეთსა და სამხრეთ ოსეთთან დაკავშირებით ნათელი და თანმიმდევრულია. ეს რეგიონები საქართველოს განუყოფელი ნაწილია”, – ნათქვამია სახელმწიფო დეპარტამენტის განცხადებაში.

2008 წლის აგვისტოს რუსეთ-საქართველოს ომამდე საქართველოს ხელისუფლება აკონტროლებდა ცხინვალის რეგიონის/სამხრეთ ოსეთის მნიშვნელოვან ნაწილს, ასევე რთულად მაგრამ მაინც ფუნქციონირებდა სამშვიდობო ფორმატები, რომლის ფარგლებში საერთაშორისო თანამეგობრობის ევროკავშირი, ეუთო დახმარებით ხორციელდებოდა რეგიონის ეკონომიკური და ინფრასტრუქტურული რეაბილიტაცია.

რუსეთ–საქართველოს 2008 წლის აგვისტოს ომის შემდეგ რუსეთმა აფხაზეთისა და ცხინვალის რეგიონის ოკუპაცია მოახდინა და ისინი დამოუკიდებელ სუბიექტებად აღიარა. საოკუპაციო ჯარები დღემდე აკონტროლებენ საქართველოს ამ ტერიტორიებს.

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close