საინტერესო

აღმოჩენა! რას გვთავაზობს უძველესი ფინიკიელი ბიჭის დნმ-ი?

ბოლოდროინდელი კვლევის დასკვნები, რომელიც გამყარებულია დნმ-ის მტკიცებულებით, ახალ შუქს ჰფენს ალბათ ყველაზე მძლავრი ცივილიზაციის გენეტიკურ წარმოშობას, რომელიც ერთ დროს ყვაოდა ახლო აღმოსავლეთში. მკვლევარებმა კართაგენში აღმოჩენილი 2500 წლის წინადელი ახალგაზრდა კაცის ნაშთების პირველი სრული გენომი შეადგინეს.

დასკვნამ აჩვენა, რომ უძველესი ბიჭის გენომი ევროპელი მონადირე-შემგროვებლის იშვიათ გენებს შეიცავს. დასკვნამ შესაძლოა უძველესი ევროპელების ჩრდილო აფრიკის რეგიონში მიგრაციის მოდელის გადაწერა გამოიწვიოს.

მკვლევარები ამტკიცებენ, რომ დასკვნა უაღრესად მნიშვნელოვანია, რადგან მან შეიძლება ნათელი მოჰფინოს უძველესი ადამიანის კონტინენტებზე გადასახლების ფარგლებს და ტენდენციას. ახალგაზრდა კაცი, რომლის ნაშთები კართაგენში იქნა აღმოჩენილი, ეკუთვნოდა ცივილიზაციას, რომელიც ფინიკიელების ცივილიზაციის სახელწოდებითაა ცნობილი. ცივილიზაციაში, რითიც კაცობრიობა დღეს ამაყობს, დიდი წვლილი სწორედ ფინიკიელებს მიუძღვით.

Location-of-Phoenicia

ფინიკიელების ცივილიზაციამ შექმნა დამწერლობის პირველი ორგანიზებული სისტემა, რითიც საფუძველი დაუდო ცოდნის და მეცნიერების განვითარებას მომავალი ათასწლეულებისთვის.

ფინიკიელები ცხოვრობდნენ კუნძულოვან სანაპირო ქალაქ–სახელმწიფოებში, როგორებიც იყო ტიროსი, სიდონი, ბიბლოსი და არადი, რომლებიც ამჟამად თანამედროვე ლიბანის და სამხრეთ სირიის რეგიონებს წარმოადგენს. ფინიკიელების აღსასრული დაიწყო ჩვ.წ. აღ–მდე 334 წელს, ალექსანდრე დიდის სიდონის და ბიბლოსის, მოგვიანებით კი ტიროსის ტერიტორიებზე შეჭრისას. მას შემდეგ, რაც მოწმენი გახდნენ, თუ როგორ განადგურდნენ სხვა ქალაქ– სახელმწიფოები, ტიროსის უხუცესებმა გადაწყვიტეს მშვიდობიანად დანებებოდნენ ალექსანდრეს; თუმცა, ამან ვერ შეაკავა ერთ დროს აყვავებული და მშვიდობიანი ცივილიზაციის განადგურება. ალექსანდრეს არმიამ სასტიკად ამოხოცა 30000 ფინიკიელი. მრავალი გამოცდილი ინჟინერი, სწავლული და დიდი ფინიკიელი შეეწირა ამ ბრძოლებს; ისინი, ვინც როგორღაც გადაურჩა განადგურებას, მონებად აქციეს. ამის შემდეგ ფინიკიელთა ცივილიზაცია მალე ჩაკვდა.

ახალი ზელანდიის ოტაგოს უნივერსიტეტის მკვლევარები აცხადებენ, რომ ფინიკიელი ბიჭის – რომელიც სამეცნიერო საზოგადოებისთვის ცნობილია სახელწოდებით – “ახალგაზრდა კაცი ბირსადან” – დნმ–ის გენეტიკური თანამიმდევრობის გაშიფვრამ ცხადყო, რომ მისი დნმ–ი თანამედროვე პორტუგალიელს შეესაბამება. კვლევა ლიბანში განხორციელდა, რათა ეპოვათ მსგავსი თანმიმდევრობა, თუმცა, მსგავსება და შესაბამისობა არ დადასტურდა და შესაბამისად, ფინიკიელების ევროპული წარმოშობა დამაჯერებელი თეორია გახდა.

წყარო postalioni.com

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close