საინტერესო

აფრიკის დასახლებაში იგეგმება უსახლკარო მოქალაქეების თვითნებურად აშენებული ,,ქოხების” დემონტაჟი

,,დავუდგეთ გვერდით ამ ხალხს, არ მივცეთ უპასუხისმგებლო ჩინოვნიკებს უფლება, რომ დაჩაგრონ ისედაც გაუბედურებული მოსახლეობა!"

მინდა მივმართო უფლება დამცველებს და სამოქალაქო აქტივისტებს! მათ ვისაც ადარდებთ სოციალურად დაუცველების და უსახლკაროდ დარჩენილი ადამიანების ბედ-იღბალი! ვისთვისაც ადამიანი წარმოადგენს ფასეულობას და თითოეულის სიცოცხლე ყურადსაღები და გასაფრთხილებელია!
– ხვალ 28 იანვარს აფრიკის დასახლებაში (ფაღავას ქუჩის ბოლოს) იგეგმება უსახლკარო მოქალაქეების თვითნებურად აშენებული “ქოხების” დემონტაჟი! მე პირადად ვიყავი დღეს და გუშინ იქ მისული გავეცანი ვითარებას და შემიძლია გითხრათ, რომ ეს ხალხი სახელმწიფოსგან ბედის ანაბარადაა დარჩენილი, მათ ზურგს უკან არ გააჩნიათ არც შემოსავალი არც ერთი გოჯი მიწა! მთავრობა კი იმის ნაცვლად, რომ ამ ხალხზე ზრუნავდეს, უქმნიდეს ელემენტარულ საცხოვრებელ პირობას და გვერდით ედგეს, დაკავებულია ამ გაუბედურებული მოსახლეობის დაწიოკებით. ზამთარში, სიცივეში თბილისის მერია აპირებს ამ ხალხის ქუჩაში დატოვებას! ბულდოზერებით და ტრაქტორებით ვაი ვაგლახით შეკოწიწებული ქოხების და ბარაკების დაშლას!
– მეგობრებო მოგიწოდებთ დავუდგეთ გვერდით ამ ხალხს არ მივცეთ უპასუხისმგებლო ჩინოვნიკებს უფლება, რომ დაჩაგრონ ისედაც გაუბედურებული მოსახლეობა!
– ხვალ დილიდან, 10 საათიდან მე იქ ვდგავარ ჩემს მეგობრებთან და თანამოაზრეებთან ერთად! გელოდებით!
ლადო სადღობელაშვილი, აქტივისტი

დატოვეთ კომენტარი

კომენტარები

მსგავსი სიახლეები

Back to top button
Close