საზოგადოება

აფრიკაში სამშვიდობოების მიერ არასრულწოვნების გაუპატიურებაში ქართველების შესაძლო მონაწილეობას თავდაცვის უწყება ეხმაურება

გაეროს ადამიანის უფლებათა უმაღლესი კომისრის მიერ გავრცელებულ ინფორმაციას, ცენტრალურ აფრიკაში სამშვიდობო მისიების მონაწილეთა მხრიდან არასწრულწლოვნების გაუპატიურებასთან დაკავშირებით თავდაცვის სამინისტრო გამოეხმაურა. გენერალური შტაბის უფროსმა განაცხადა, რომ თუკი აღნიშნულ დანაშაულში ქართველების მონაწილეობდა დადასტურდება, რის შესახებაც ანგარიშშია ნათქვამი, დამნაშავე პირები უმკაცრესად დაისჯებიან.
„ჩვენ დიდი ყურადღებით და შეშფოთებით გავეცანით გაეროს ადამიანის უფლებათა უმაღლესი კომისრის მიერ გავრცელებულ განცხადებას – ცენტრალური აფრიკის რესპუბლიკაში 2014 წლის შემოდგომის მისიის შესახებ.
მტკიცედ გვჯერა, რომ თითოეული ჩვენგანი, საერთაშორისო და ეროვნულ დონეზე ყველაფერს უნდა აკეთებდეს, რათა მსგავსი დანაშაულის ჩამდენმა პირებმა პასუხი აგონ. მნიშვნელობა არა აქვს, ვინ არიან ისინი, რომელ ქვეყანას წარმოადგენენ და რა ენაზე საუბრობენ. საკითხი განსაკუთრებული მნიშვნელობისაა საქართველოს მთავრობისა და შეირაღებული ძალებისთვის.
ჩვენი მიზანია, მოხდეს ამ საქმის დეტალური გამოძიება და ასეთი უმძიმესი დანაშაულის დადასტურების შემთხვევაში, ჩამდენი პირები, მართლმსაჯულების წინაშე წარსდგნენ.
დღეს, გაეროს ადამიანის უფლებათა კომისრის ოფისის მიერ ანგარიშის გამოქვეყნების შემდეგ, პოტენციურად ეჭვმიტანილია მისიაში მონაწილე თითოეული სამხედრო მოსამსახურე. მათ ჰყავთ ოჯახები, მათი უდიდესი უმრავლესობა პატიოსნად და თავდაუზოგავად ემსახურება სამშობლოსა და საერთაშორისო უსაფრთხოებას. ამიტომ, დაუშვებელია, რამდენიმე ადამიანის ქმედებამ, ასეთის დადასტურების შემთხვევაში, ჩრდილი მიაყენოს საქართველოს შეიარაღებული ძალების სახელს და პრესტიჟს.
ქართული სახელმწიფო და უპირველეს ყოვლისა, თავად ქართული ჯარი, 17 წლის განმავლობაში თავდადებით ემსახურება საერთაშორისო მშვიდობისა და უსაფრთხოების ამოცანას და იმავეს გააგრძელებს მომავალშიც, როგორც მსოფლიოს დემოკრატიული სახელმწიფოების ყველაზე საიმედო და სანდო პარტნიორი. ასე იცნობენ ჩვენს ჯარს, ასეთად მოიხსენიებენ ჩვენს ჯარისკაცებს, და ყოველ ჩვენგანს შეგვიძლია ვიამაყოთ ჩვენი ბიჭებით.
სწორედ ამიტომ, საქართველოს თავდაცვის სამინისტროს უპირველესი ამოცანაა უმოკლეს ვადებში გამოვიძიოთ ფაქტები. დანაშაულის დამტკიცების შემთხვევაში პასუხისმგებლობა დაეკისრებათ კონკრეტულ პირებს, ვინც ჩაიდინა ქართველი სამხედრო მოსამსახურისათვის უღირსი ქმედება, შეურაცხყოფა მიაყენა ქართველი სამხედროების სახელსა და რეპუტაციას. მანამდე კი, საქართველოს თავდაცვის მინისტრის ბრძანების შესაბამისად, სამსახურეობრივი მოვალეობის შესრულებიდან ჩამოცილებულია ყველა, ვისი პირდაპირი ვალდებულებაც იყო 2014 წელს ფაქტების გამოძიება და სიმართლის გარკვევა“, – განაცხადა ვახტანგ კაპანაძემ.
დღეს გამოქვეყნდა გაეროს ადამიანის უფლებათა უმაღლესი კომისრის ანგარიში, რომელშიც ცენტრალურ აფრიკაში სამშვიდობო მისიის წარმომადგენლების მიერ არასრულწლოვნების გაუპატიურების გამო შეშფოთებაა გამოთქმული. ანგარიშში, სამი ადგილორივი გოგონა აცხადებს, რომ ისინი ქართული სამშვიდობო მისიის სამხედროებმა გააუპატიურეს.

წყარო: cp.ge

დატოვეთ კომენტარი

კომენტარები

მსგავსი სიახლეები

2 Comments

  1. Attractive element of content. I simply stukbled upon your weblog and in accession capital to claim that I
    acquire actually enjoyed account yopur weblog posts.

    Any way I’ll be subscribing to your feeds or even I success you get admission to persistently fast.

    Kasgno w internecie website bonus casino bez
    depozytu

  2. 788384 497158Naturally I like your web-site, nonetheless you need to check the spelling on several of your posts. Several of them are rife with spelling troubles and I locate it very silly to inform you. On the other hand I will definitely come once again once again! 361178

Leave a Reply

Your email address will not be published.

Back to top button
Close