საბავშვო

არის თუ არა გავრცელებული თბილისში ახალი ვირუსი და რას ამბობენ იაშვილის კლინიკაში

ბოლო დროს ხშირად ვრცელდება ინფორმაცია სხვადასხვა ვისურის თუ ინფექციის შესახებ, რომლებიც მშობლების სავსებით გასაგებ შეშფოთებას იწვევენ. გაზაფხულზე რამდენიმე სეზონური ვირუსი თუ ინფექცია იყო გავრცელებული, თუმცა ეპიდემია არც ერთს არ მოჰყოლია.
ცოტა ხნის წინ კვლავ გავრცელდა ინფორმაცია, რომ რაღაც ახალი ვირუსია გავრცელებული, რომელსაც მაღალი სიცხეები და პირღებინება ახლავს თან. რამდენიმე მშობელმა მოგვმართა

თხოვნით, გაგვერკვია, მართლა არის თუ არა საფრთხის საფუძველი. ერთმა შეშფოთებულმა დედამ დედების ჯგუფში ასეთი პოსტიც დადო:
”sos!!! გოგოებო, საშინელი ვირუსებია მოდებული. იაშვილის კლინიკაში ერთი ადგილიც კი არ არის, იმდენი ბავშვი ჰყავთ დაწვენილი. ყურადღებით იყავით და უფალი ფარავდეს ყველას პატარას. მოარიდეთ ხალხმრავალ ადგილებს და შეეცადეთ ხშირად გაუსუფთაოთ სველი წესით ხელები და გაუნიაოთ ოთახი”.
შევეცადეთ იაშვილის კლინიკაში გადაგვემოწმებინა გავრცელებული ინფორმაცია. დავუკავშირდით მ. იაშვილის სახელობის ბავშვთა ცენტრალური საავადმყოფოს საზოგადოებასთან ურთიერთობის (პიარის) სამსახურს.
თამუნა ჩეჩელაშვილი:
– საგანგაშო მდგომარეობა და პანიკის შექმნის საფუძველი ნამდვილად არ არის. სეზონისთვის დამახასიათებელი ვირუსებია.

პედიატრებიც გვირჩევენ, ნუ ავყვებით პანიკას და უბრალოდ, ჩვეულებისამებრ დავიცვათ წესები – ხშირად დავბანოთ ბავშვებს ხელები და მაინცდამაინც ხშირად ნუ გავიყვანთ საზოგადოებრივი თავშეყრის ადგილებში, განსაკუთრებით, თოთოებს.

 

წყარო mshoblebi.ge

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close