საზოგადოება

,,არამარტო კაზინოები, ჩემი აზრით, მაღაზიებიც უნდა დაიკეტოს”

,,ფულს თუ ვერ დახარჯავ, მეტი გექნება და იქნები მდიდარი..."

არამარტო კაზინოები, ჩემი აზრით მაღაზიებიც უნდა დაიკეტოს. ფულს თუ ვერ დახარჯავ, მეტი გექნება და იქნები მდიდარი. ელემენტარული რამე რომ ასახსნელი იქნება, რთულს რანაირად გაიგებთ ხალხო? და სხვათაშორის, მეტი არგუმენტით რომ გავამყარო ჩემი ეს მოსაზრება, – შოპოჰოლიზმი სცდება თავის დაჯილდოების ნორმალურ დოზას და სწორედ ისევე აცარიელებს ჯიბეს და ამრავლებს ვალებს, როგორც კაზინოში წაგება. განსხვავება მხოლოდ ნივთების რაოდენობის გაზრდაშია. შედეგად, მარადგამოუყენებელი, არასაჭირო ნივთების სიჭარბის გამო საცხოვრებელ სივრცეში ადამიანის ადგილი აღარ რჩება. სახლს კაზინოში დაკარგავ, თუ მაღაზიებში ნავაჭრით გამოტენი და აღარ დაეტევი, რა მნიშვნელობა აქვს? თავიდან ბოლომდე თვითდესტრუქციული, მაშასადამე ასაკრძალი ქმედებაა.
ინსტრუქცია: ეს არის ღლიცინა სტატუსი, ხუმრობა. სერიოზულად რასაც ვფიქრობ:
ასევე სერიოზულად: მოზარდებში გეიმინგი არის წინაპირობა დამოკიდებულების პათოლოგიის განვითარების. მშობლებო, ამასაც მიაქციეთ ყურადღება. და გავიმეორებ, – ონლაინ კაზინოებზე რათქმა უნდა, კატეგორიულად უნდა ვითხოვდეთ ბერკეტებს, რომელიც შეუძლებელს გახდის მოზარდის წვდომას.
ლუდომანია და სუიციდი: აშშ-ში ლუდომანიით დაავადებულია მოთამაშეთა 0.9 %, ევროპის ქვეყნებში საშუალოდ 4%. საქართველოში კვლევა არ ჩატარებულა, თუმცა, მეჩვენება, რომ დაავადებულია ბევრად დიდი პროცენტი, ვიდრე სოციალურად გამართულ ქვეყნებში. შესაძლოა, ეს ჩემი აღქმაა, რადგან ჩვენთან თავს იყრის მსგავსი პრობლემა. დამოკიდებულებითი დაავადება არ ჩნდება ცარიელ ნიადაგზე, დაწყვილებულია შფოთვით აშლილობებთან, დეპრესიასთან ან სხვა ფსიქიკურ კონდიციებთან. ამიტომ ზოგიერთ შემთხვევაში ადვილად ვითარდება სუიციდისკენ მიდრეკილება და სამწუხაროდ, ლეტალურადაც მთავრდება ხშირად.
შოპოჰოლიზმიც დამოკიდებულებითი დაავადებების კლასტერშია, შესაბამისად, არა უშუალოდ შეძენილი ნივთების გამო, არამედ დეპრესიისკენ მიდრეკილების გამო შესაძლოა ამ ტიპის პრობლემის მქონე ადამიანებშიც არსებობდეს სუიციდური ფიქრები.
შოპოჰოლიზმი მართლა არის ისეთივე დამოკიდებულებითი დაავადება, როგორც გეიმბლინგი, თუმცა, რა თქმა უნდა, ხუმრობაა მაღაზიების აკრძალვა.

დატოვეთ კომენტარი

კომენტარები

მსგავსი სიახლეები

Back to top button
Close