საზოგადოება

ამირან გამყრელიძე – აზიური ფაროსანა ადამიანის ჯანმრთელობაზე არ მოქმედებს, არ იკბინება და არ გადააქვს ინფექცია

აზიური ფაროსანა ადამიანის ჯანმრთელობაზე არ მოქმედებს, ის არ იკბინება და არ გადააქვს არავითარი ინფექცია, – ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორმა ამირან გამყრელიძემ განაცხადა.
როგორც მან აღნიშნა, აზიურმა ფაროსანამ ბოლო ორი წლის განმავლობაში და განსაკუთრებით წელს, ძალიან სერიოზული ზიანი მიაყენა სოფლის მეურნეობას.

„მინდა ხაზგასმით აღვნიშნო, რომ ეს მწერი, ბაღლინჯო, ადამიანის ჯანმრთელობაზე არ მოქმედებს. ის არ კბენს ადამიანს და ცხოველს, არ გადაქვს არავითარი ინფექცია, თუმცა გაჭყლეტის შემდეგ შეიძლება ჰქონდეს არასასიამოვნო სუნი, რომელიც ამ მწერისთვის დამცავი მექანიზმია სხვა მწერების წინააღმდეგ. ადამიანის ჯანმრთელობისთვის ის საშიში არ არის, თუმცა როდესაც სახლში დიდი რაოდენობითაა ეს მწერი, რა თქმა უნდა, ეს არასასიამოვნოა და ბევრ უხერხულობას ქმნის. რადგან აციების წინ ხდება მათი მიგრაცია გარედან შიგნით, სასურველია, რომ გამოყენებული იქნას ის მექანიკური დაცვის საშუალებები, რაც ამ დროს რეკომენდირებულია. სასურველია მოსახლეობამ იხმაროს მექანიკური დაცვის საშუალებები – ეს არის ბადეები, ხვრელების ამოვსება, მტვერსასრუტი, საპნიანი წყალი, რომელზეც ნათურაა დამაგრებული“, – განაცხადა გამყრელიძემ.

როგორც მან აღნიშნა, დაავადებათა კონტროლის ეროვნული ცენტრის თანამშრომლებმა ქიმიური საშუალებები შეისწავლეს და დაახლოებით, 7 სადეზინფექციო საშუალება შეირჩა, რომელთა ჩამონათვალის ნახვა შესაძლებელია დაავადებათა კონტროლის ეროვნული ცენტრის ვებგვერდზე.
მისივე თქმით, მწერის საწინააღმდეგო ქიმიური საშუალების გამოყენებისას ადამიანი უნდა დარწმუნდეს, რომ შერჩეული პრეპარატის მოხმარება დასაშვებია შენობაში, მოქმედებს აზიურ ფაროსანაზე (მითითებულია, რომ მოქმედებს ბაღლინჯოზე) და უნდა დავიცვათ მწარმოებლის მიერ მითითებული უსაფრთხოების წესები.
რაც შეეხება იმას, შეაფერხა თუ არა აზიურმა ფაროსანამ სასწავლო პროცესი, ამირან გამყელიძის განცხადებით, მასობრივად – არა.
„რამდენიმე სკოლიდან გვაქვს ინფორმაცია, მიმდინარეობს სადეზინსექციო სამუშაოები. ეს ეხება აჭარაში არსებულ ორ სკოლას“, – განაცხადა გამყრელიძემ.

ipn.ge

დატოვეთ კომენტარი

კომენტარები

მსგავსი სიახლეები

6 Comments

  1. 466674 417040Thanks for the weblog loaded with so a lot of info. Stopping by your blog helped me to get what I was searching for. 947077

  2. 802338 979488I like the valuable details you supply within your articles. Ill bookmark your weblog and check again here often. Im quite certain Ill learn plenty of new stuff proper here! Greatest of luck for the next! 947182

  3. 757029 688251I like this post extremely much. I will definitely be back. Hope that I can go by way of much more insightful posts then. Will likely be sharing your wisdom with all of my pals! 1459

Leave a Reply

Your email address will not be published.

Back to top button
Close