საზოგადოება

აზარტული და მომგებიანი თამაშები ინტერნეტ სივრცეში შეიზღუდება

შესაძლოა აზარტული და მომგებიანი თამაშები ინტერნეტ სივრცეში შეიზღუდოს. ამ თემაზე ამ წუთებში სასტუმრო “ბილტმორში” პარლამენტის სამუშაო ჯგუფი საკანონმდებლო ცვლილებების კონცეფციას განიხილავს. საუბარი ძირითადად სისტემურ- ელექტრონული ფორმით მოწყობით თამაშებს ეხება.

სამუშაო ჯგუფის ხელმძღვანელი სხვადასხვა უწყებებისა და არასამთავრობო ორგანიზაცეიბის წარმომადგენლებს სხვადასხვა მოსაზრებებს გააცნობს. საუბარია 21 წლამდე პირთა ჩართულობის პრევენციაზე, რეგულაციის მექანიზმზე და ასევე სახელმწიფო მარეგულირებელი კომისიის შექმნაზე.

“მე ვფიქრობ, რომ ონლაინ აზარტული თამაშების აკრძალვა არ არის გამოსავალი და ის თანხა, რომლის გათამაშებაც საქართველოში ხდებოდა, გაედინება საზღვრებს გარეთ.” – ასეთია ფინანსთა მინისტრის მოადგილის ლაშა ხუციშვილის პოზიცია. თუმცა ის ამ სფეროში ცვლილებებს და რეგულაციების გამკაცრებას მიესალმება.

2018 წლის 1 იანვრიდან ონლაინ კაზინოების მფლობელები ვალდებული იქნებიან ელექტრონული ფორმით ორგანიზებულ თამაშებში მონაწილეობა მხოლოდ რეგისტრირებულ მოთამაშეს მიაღებინონ. საკანონმდებლო ცვლილებათა პაკეტის მიხედვით, რეგისტრირებულად ჩაითვლება ის მოთამაშე, რომელსაც შემოსავლების სამსახური აღრიცხავს. შემოსავლების სამსახური მოთამაშეთა რეესტრსაც გაუწევს კოორდინირებას. ონლაინ კაზინოებში თამაშის მსურველებს რეგისტრაციის გავლა შეეძლებათ, როგორც ელექტრონულად, ისე – შემოსავლების სამსახურში გამოცხადებით.

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close