საზოგადოება

ავსტრალიამ Facebook-ის წინააღმდეგ გამოძიება დაიწყო

კონფიდენციალურობის საკითხში ავსტრალიის კომისარმა ენჯელინ ფოლკმა Facebook-ის წინააღმდეგ გამოძიება დაიწყო. ამის შესახებ ABC-ი იუწყება.

საქმე ეხება ბრიტანული კომპანია Cambridge Analytica-ს მიერ სოციალური ქსელის მომხმარებლების პირადი მონაცემების მოპოვების საქმეს, რამაც სკანდალი გამოიწვია.

ფოლკის განმარტებით, გამოძიებით უნდა დადგინდეს, დაარღვია თუ არა Facebook-მა კონფიდენციალურობის შესახებ კანონი. ამ შემთხვევაში ამერიკული სოციალური ქსელი შესაძლოა 2,1 მილიონი დოლარით დაჯარიმდეს.

გუშინ Facebook-მა განაცახდა, რომ კომპანია Cambridge Analytica-მ შესაძლოა სოციალური ქსელის 87 მილონამდე მომხმარებლის მონაცემები მოიპოვა. მანამდე ინფორმაცია 50 მილიონი მომხმარებელის მონაცემების გაჟონვაზე გავრცელდა.

18 მარტს მასაჩუსეტსის შტატის გენერალურმა პროკურორმა მარა ჰელეიმ Facebook-ისა და კომპანია Cambridge Analytica-ს წინააღმდეგ გამოძიება დაიწყო.

მსოფლიოს მედია საშუალებებში გამოქვეყნდა რამდენიმე გამოძიება Cambridge Analytica-ს საქმიანობაზე, რომელიც დონალდ ტრამპის კამპანიაზე მუშაობდა.

ამ მასალების თანახმად, კომპანიამ უკანონოდ მიიღო Facebook-ის 50 მილიონ მომხმარებელზე მონაცემები, რათა ეფექტიანი პოლიტიკური რეკლამა შეექმნა.

გარდა ამისა, ის პოლიტიკურ რეკლამასთან დაკავშირებულ საქმიანობას ეწეოდა აშშ-ის კანონების დარღვევით, რადგან მის კომპანიაში ბევრი უცხოეთის მოქალაქე მუშაობდა.

Facebook-ის დამაფუძნებელმა მარკ ცუკერბერგმა მომხდარის გამო საჯარო ბოდიში მოიხადა.

 

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close