ადვოკატთა დამოუკიდებელი პროფკავშირის თავმჯდომარის განცხადება

     საქართველოს ადვოკატთა დამოუკიდებელი პროფკავშირის თავმჯდომარე გიორგი თევზაძე განცხადებას ავრცელებს ლაშა კვირკვაიას მიერ სოციალურ ქსელში ზაზა ხატიაშვილის მიმართ  გავრცელებულ განცხადებასთან დაკავშირებით.

 განცხადებაში აღნიშნულია:

,,დაუშვებელია რეაგირების გარეშე იქნას დატოვებული ლაშა კვირკვაიას მიერ ელექტრონული მედია–საშუალებებით გავრცელებული ინფორმაცია, რომელშიც სხვა დაუსაბუთებელ ბრალდებებთან ერთად, ზაზა ხატიაშვილი მტკიცებითი ფორმით მოიხსენია, როგორც ,, კუდის ნომრიანი აგენტი“.  ლაშა კვირკვაიას ამ დაუსაბუთელი განხადების პასუხად უნდა აღინიშნოს, რომ  ქვეყნის ხელისუფლებისა და საზოგადოების ვალდებულებაა  დემოკრატიული ქვეყნის  მშენებლობა და კანონის უზენაესობის პრინციპების დაცვა. ყველამ უნდა ვისწავლოთ ზოგადად ადამიანის და მათ შორის ადვოკატის უფლებებისა და ღირსების პატივისცემა. დაუშვებელია და კანონსაწინააღმდეგოა ისეთი სახის დაუსაბუთებელი და უსაფუძვლო განცხადებების გავრცელება მედია საშუალებებით და სოციალური ქსელებით, რომელიც ემსგავსება ჭორაობას და ლახავს ადვოკატის ავტორიტეტს.

პოლიციის ყოფილი თანამშრომლის, ლაშა კვირკვაიას მიერ ბოლო დღეებში ადვოკატთა ასოციაციის თავმჯდომარის და საქართველოს ადვოკატთა დამოუკიდებელი პროფკავშირის გამგეობის წევრის, უფლებადამცველის, ზაზა ხატიაშვილის მისამართით გავრცელებული დაუსაბუთებელი განცხადებები წარმოადგენს საზოგადოების შეცდომაში შეყვანის მცდელობას და ლახავს პიროვნების ავტორიტეტს, თუმცა საზოგადოების იმ უდიდესი ნაწილისათვის, რომელიც იცნობს ზაზა ხატიაშვილს და მის საქმიანობას, ასეთი დაუსაბუთებელი განცხადებები ღიმილის მომგვრელად აღიქმება. ლაშა კვირკვაიას განცხადება  დამატებით კითხვებს ბადებს ამ პიროვნების მიმართ. საინტერესოა,  რა ინტერესებს ემსახურება მსგავსი განცხადებები, რადგან ლაშა კვირკვაიას უნდა მოეხსენებოდეს, რომ თუ ფლობს რაიმე დამადასტურებელ მტკიცებულებას, აღნიშნულ განცხადებასთან ერთად უნდა წარმოუდგინოს საზოგადოებას. ასე უნდა მოქმედებდებს პასუხისმგებლიანი, ნებისმიერი პირი და არა იმ ფორმით, რა ფორმითაც ამას ცდილობს ზაზა ხატიაშვილის ავტორიტეტის შესალახად  ლაშა კვირკვაია. ეს პირველი შემთხვევა არ არის, როდესაც ადგილი აქვს სამართლიანობისათვის მუდმივად მებრძოლი ზაზა ხატიაშვილის მიმართ ვრცელდება ცილისმწამებლური განცხადებები. ასეთი ფაქტები საზოგადოებას წლების მანძილზე კარგად გვახსოვს. ამ შემთხვევას ადვოკატთა დამოუკიდებელი პროფკავშირი განიხილავს როგორც გამოწვევას და ყველა კანონიერ და სათანადო ღონისძიებას განვახორციელებთ ზაზა ხატიაშვილისა და ნებისმიერი სხვა ადვოკატის ღირსების დაცვის და ყველა იმ პირის პასუხისმგებლობის საკითხის დაყენების მიზნით, რომელიც იმოქმედებს კანონის დარღვევით და შეეცდება შელახოს ადვოკატის პროფესიული უფლებები და პიროვნული ღირსებები.,,

დატოვეთ კომენტარი

კომენტარები