ადვოკატთა ასოციაციაში ახლადგაწევრიანებულ ადვოკატებთან შეხვედრა გაიმართა
17 იანვარს, საქართველოს ადვოკატთა ასოციაციის სასწავლო ცენტრის საკონფერენციო დარბაზში, ახლადგაწევრიანებულ ადვოკატებთან საინფორმაციო შეხვედრა გაიმართა, რომელსაც ადვოკატთა ასოციაციის თავმჯდომარე – ზაზა ხატიაშვილი უძღვებოდა. ადვოკატებმა მოისმინეს ინფორმაცია ადვოკატთა ასოციაციის მიმდინარე პროექტების, სასწავლო ცენტრის საქმიანობის შესახებ. დიდი ინტერესი გამოიწვია ადვოკატის სკოლის, ადვოკატის ინსტიტუციური დაცვის და ადვოკატის პროფესიის რეგულაციების გაცნობამ. ზაზა ხატიაშვილმა აღნიშნა, რომ ადვოკატთა ასოციაციისთვის პრიორიტეტული იქნება ახალგაწევრიანებული ადვოკატების დახმარება და ხელშეწყობა სამომავლო კარიერული წინსვლისთვის.
შეხვედრას ესწრებოდნენ ადვოკატთა ასოციაციის აღმასრულებელი მდივანი – ინგა ნებიერიძე, საერთაშორისო მდივანი, დავით ასათიანი და აღმასრულებელი საბჭოს წევრი, ირაკლი ყანდაშვილი.
წყარო: euronews.ge
