Instagram-ი ჩაგვრის პრობლემას მარტო ვერ გაუმკლავდება. განცხადება ფოტო/ვიდეო გაზიარების პლატფორმის დირექტორმა გააკეთა. ამის შესახებ BBC წერს.

როგორც ადამ მოსერმა Radio 1-თან განმარტა, საზოგადოება ამ გამოწვევას უფრო ფართო ჭრილში უნდა მიუდგეს.

მოსერის თქმით, მას არ სურს ხალხი Instagram-ზე შესვლისას დეპრესიაში ჩავარდეს, თუმცა პლატფორმას ბულინგის წინააღმდეგ ბრძოლა მარტოს არ შეუძლია.

ჯერ კიდევ თებერვალში Instagram-მა თქვა, რომ იმ სურათებს წაშლიდა, რომლებიც ადამიანის სიცოცხლეს აზიანებდა.

ბოლო პერიოდში Instagram-ი კრიტიკის მსხვერპლი არაერთხელ გახდა. 14 წლის ბრიტანელმა გოგომ სიცოცხლე 2017 წელს თვითმკვლელობით დაასრულა. უბედურ შემთხვევამდე მოლი რასელი Instagram-ზე სურათებს ათვალიერებდა. ამ პრობლემის გამო Instagram-ი ცნობილმა ადამიანებმაც გააკრიტიკეს.

Instagram-ი 2010 წელს დაფუძნდა. 2012 წელს აპლიკაცია Facebook-მა $1 მილიარდად შეიძინა.

დღევანდელი მონაცემებით, ფოტო/ვიდეო გაზიარების პლატფორმის მომხმარებელთა რაოდენობა მილიარდს აჭარბებს.

დატოვეთ კომენტარი

კომენტარები