YouTube-ის არხების გამოწერა ფასიანი გახდება. ამის შესახებ კომპანიის ბლოგზე ვკითხულობთ.
ონლაინ ვიდეო პლათფორმის გადაწყვეტილებით, ცვლილება იმ არხებს შეეხებათ, რომელთაც სულ მცირე 100,000 გამომწერი ჰყავთ. მედიაში გავრცელებული ინფორმაცია YouTube-ის დირექტორმა ნილ მოჰანმაც დაადასტურა.
YouTube-ის გვერდზე ფასიან არხებს განმასხვავებელი ნიშანი ექნება. პრიორიტეტული არხი ახალი სერვისით მომხმარებელს დამატებით ვიდეოებზე წვდომის საშუალებას მისცემს, სანაცვლოდ კი გამომწერი 4,99 დოლარს გადაიხდის. აქედან 70%-ს არხის ავტორი მიიღებს, დანარჩენ 30%-ს კი YouTube-ი წაიღებს.
ამ ეტაპზე ეს ფუნქცია ტესტირების რეჟიმშია და ყველა არხისთვის ხელმისაწვდომი არ არის.
მსგავსი ინიციატივის შესახებ მანამდე Facebook-მა გააჟღერა.
დატოვეთ კომენტარი
Загрузка...
