რადიკალური ისლამისტური დაჯგუფება „თალიბანის“ ტერორისტები, რომლებმაც ქაბულის საერთაშორისო აეროპორტის მიმართულებით რამდენიმე რაკეტა გაუშვეს, აშშ-ის თავდაცვის მინისტრის ჯეიმს მეთისის თვითმფრინავს უმიზნებდნენ, რომელიც ვიზიტით ავღანეთში ჩავიდა. ამის შესახებ The Associated Press იუწყება.

ბოლო მონაცემებით, თავდასხმის შედეგად ერთი ქალი გარდაიცვალა და 11 სამოქალაქო პირი დაიჭრა. ავღანეთის სპეცდანიშნულების რაზმმა თავდასხმის მოგერიება შეძლო, რომლის დროსაც ოთხი „ბოევიკი“ დაიღუპა.

ქვეყნის შს სამინისტროს ოფიციალური წარმომადგენლის განცხადებით, „თალიბანის“ მიერ ნასროლი, დაახლოებით ექვსი ჭურვი, როგორც საერთაშორისო, ისე სამხედრო ტერიტორიაზე ჩამოვარდა. მომხდარის დროს თავდაცვის მდივანი ავღანეთის პრეზიდენტსა და ნატოს გენმდივანს ხვდებოდა, რომელიც ასევე, ვიზიტით ქაბულში ჩავიდა. უცნობია, დაზიანდა თუ არა ჯეიმს მეთისის თვითმფრინავი „თალიბანის“ თავდასხმის დროს.

მანამდე გავრცელებული ინფორმაციით, ქაბულის საერთაშორისო აეროპორტზე შეტევაზე პასუხისმგებლობა რადიკალური მოძრაობა „თალიბანის“ შემდეგ ტერორისტულმა დაჯგუფებამ „ისლამურმა სახელმწიფომაც“ აიღო, – იუწყება ადგილობრივი მედია.

მომხდარის გამო, ქაბულის საერთაშორისო აეროპორტში ფრენები გაუქმდა, განხორციელდა მოქალაქეების ევაკუაცია.

ipn.ge

დატოვეთ კომენტარი

კომენტარები

Загрузка...