ილონ მასკი და მისი Tesla სახმელეთო-სატრანზიტო გადაზიდვების სეგმენტში რევოლუციას ამზადებს.

მასკის განმარტებით, მომავალი რევოლუციის ლოკომოტივი Tesla Semi Truck იქნება, ოთხი დამოუკიდებელი ელექტრო ძრავით აღჭირვილი სატვირთო მანქანა კონვეიერიდან 2019 წელს ჩამოვა.

რაც შეეხება მომავალი „რევოლუციონერის“ ტექნიკურ მახასიათებლებს, ის მართლაც შთამბეჭდავად გამოიყურება. როგორც Tesla–ში აცხადებენ, აკუმულატორების ერთი დამუხტვით Tesla Semi Truck 800 კილომეტრის გავლას შეძლებს. ელექტრომობილის მაქსიმალური ტვირთამწეობა 36 ტონაა.

შთამბეჭდავია აჩქარების მომენტიც, ტვირთის გარეშე Tesla Semi Truck 96 კმ/სთ–ს 5 წამში განავითარებს. დატვირთვის შემთხვევაში ეს მაჩვენებელი 20 წამს არ გადააჭარბებს.

როგორც ტესლაში აცხადებენ, ამ ავტომობილის გამოყენება ტვირთის გადაზიდვის თვითღირებულებას 1 მილზე 0,85 დოლარამდე შეამცირებს.

აკუმულატორების სრულად დასატენად მაქსიმუმ 30-40 წუთი იქნება საჭირო. გადამზიდავი კომპანიები Tesla Semi Truck-ის შეძენას 2020 წლიდან შეძლებენ.

m2b.ge

დატოვეთ კომენტარი

კომენტარები

Загрузка...