[google-translator]
   `როგორც ჩვენთვის გახდა ცნობილი, თბილისის მერია ამუშავებს საკითხს, დედაქალაქის ქუჩებში  ახალი  ე.წ. „მომავლის პისუარების“ დამონტაჟებასთან დაკავშირებით. სახელდება კონკრეტული თარიღიც – 2017 წლის მარტი.
ღია საპირფარეშოები, იგივე ბიოპისუარები საკმაოდ გავრცელებული მოვლენაა ევროპაში. ამ მხრივ, პოსტსაბჭოთა სივრცეში ლიდერობს ბალსტიისპირეთი. რუსეთში, კერძოდ  მოსკოვში ისინი 2016 წლის დეკემბერში დაიდგა ადგილობრივი არქიტექტორების საპროტესტო ხელმოწრების მიუხედავად.
ეს გახლავთ პოსტევროპული სივრცისთვის ე.წ. ექსპერიმენტული პროექტი, რომელსაც თბილისის მერია ჯერ-ჯერობით არ ახმაურებს.
ამ საპირფარეშოების შემქმნელების მოტივაცია გახლავთ ის, რომ მამაკაცებს აღარ მოუწევთ „გასაჭირის დაკმაყოფილება“ ხეებსა დ აბუჩქებს ამოფარებულებს. აღნიშნული პისუარები  არ საჭიროებენ დამატებით მოვლას. თავად კონსტრუქცია კი არის ავტონომიური.
    ბარემ, იმასაც გეტყვით, რომ პისუარების „არქიტექტურა“ ნასესხებია ევროპიდან, კერძოდ ამსტერდამიდან. მერიის გადაწყვეტილებით, ისინი იქნება უფასო. რაც მთავარია, მათი დაყენება საკმაოდ  იაფი დაუჯდება მუნიციპალიტეტს, ვინაიდან ასეთ კონსტრუქციას სჭირდება   მხოლოდ ორი კედელი და გაყვანილობა კანალიზაციამდე. ეს არის და ეს! ამიტომაც ქუჩის პისუარები ევროპაში საკმაოდ გავრცლებული მოვლენაა.
   რამდენად იგუებს მას ქართული მენტალობა, ეს საკითხია. და კიდევ, ისინი მხოლოდ მამაკაცებისთვის იქნება განკუთვნილი.  აქვე დავძენთ, რომ მასალის გასვლისთანავე დაგვიკავშირდა ქართლოს თეთრაული, მერიის არქიტექტურის სამსახურის პიარი (როგორც თავად  გაგვეცნო) და მოგვახსენა, რომ ჟურნალისტები წარა-მარა ურეკავენ, რომ ამაზე ერთი ამბავია აწეული და    ეს ყველაფერი არის უხერხული , ასეთი საპირფარეშოები არ დაიდგმება და მოგვთხოვა სურათის აღება. ჩვენს კითხვაზე, რომ კონკრეტულად გაეცა პასუხი – მუშავდება თუ არა საზოგადოებრივი საპირფარეშოების ქალაქში დაყენების საკითხის  2017 წლის გაზაფხულიდან, პასუხი იყო, რომ ის, რაც ფოტოზეა, საზოგადოებრივი „ტუალეტი“ არ არის. ავუხსენით, რომ რაც ფოტოზეა, სწორედაც რომ საზოგადოებრივი საპირფარეშოა და ვთხოვეთ განემარტა, მაშინ როგორი სახის საპირფარეშოების დადგმას აპირებს მერია დედაქალაქში. ბატონი ქართლოს თეთრაულის პასუხი ამაზე იყო, რომ ჯერ ჟურნალიტებს გავცემ პასუხს და მერე თქვენო` _ წერს საინფორმაციო სააგენტო  MediaCity.ge .

დატოვეთ კომენტარი

კომენტარები

Загрузка...