Apple-მა წელს სამი iPhoneის მოდელი წარმოგვიდგინა, საიდანაც არის ერთი, რომელსაც ფანები წლების განმავლობაში მოუთმენლად ელოდნენ. ეს არის iPhone X – კომპანიის პირველი უჩარჩო, გვერდიდან-გვერდამდე გადაშლილ ეკრანიანი სმარტფონი ინოვაციური სახის სკანირების – Face ID სიტემით, რომელსაც ასევე შეუძლია თქვენი სახე სასაცილო სმაილად აქციოს Animoji-ს მეშვეობით!

ეს ყველაფერი ძალიან კარგია, თუმცა სმარტფონის უდიდეს უარყოფით მხარეს ფასი წარმოადგენს, რომელიც $999-ს შეადგენს და ისტორიაში ყველაზე ძვირად ღირებულ მობილურ ტელეფონად ითვლება. ამ პოსტში შევეცდებით შევარჩიოთ iPhone X-ის 5 საკმაოდ სოლიდური ალტერნატივა:

1. Galaxy S8, S8+ და Note 8

Samsung-ის S სერიის მერვე წარმომდგენლები ითვლებიან პირველ მასობრივ უჩარჩო ეკრანი მქონე სმარტფონებად, რომლებმაც სწორედ აღნიშნული ტრენდი წამოიწყეს წლევანდელ მობილურ სამყაროში. მათ ერთ-ერთი საუკეთესო Super Amoled ეკრანები აქვთ მაღალი გარჩევადობითა და მოკეცილი ფორმით, რის ხარჯზეც გვიჩნდება ილუზია, თითქოს ეკრანი შუშის ზემოთ მდებარეობს. რამოდენიმე თვის შემდეგ კი სმარტფონებს S-Pen-იანი ძმაც შეუერთდა – Note8, რომელიც S8-ის ფუნქცნიონალს ასი თავით აღემატება, ყველაფერი კი S-Pen კალმის წყალობით.

მართალია აღნიშნულ სმარტფონებს iPhone-ის დონის სახის სკანირება არ აქვთ, თუმცა S8/Note8-ის სახის სკანერს სურათით ვერ მოატყუებთ, გარდა ამისა კი არის თვალის გუგის სკანერიც, რომელიც სახის სკანირებაზე სწრაფად არ მუშაობს, თუმცა უფრო დაცულია.

2. Google Pixel 2 XL

მსოფლიო მძებნავის პირველი სმარტფონი შესანიშნავი გამოდგა, მისი სიქველი ბევრად აუმჯობესებს პირველის ყველა შეცდომას. აქ კვლავ გვხვდება Google-ის ინოვაციები კამერაში, კერძოდ კი ხელოვნური ინტელექტი და ჭკვიანური ალგორითმები, რომელთა წყალობით Pixel 2-მა ლიდერული პოზიცია დაიკავა DxOMark-ის კამერის ტესტირებებში 98 ქულით. iPhone X-ის ერთ-ერთი გამორჩეულობა ორმაგი კამერის პორტრეტულ რეჟიმში მდგომარეობს, რომელიც ახლა ასევე წინაც არის. Google-მა ორი კამერის იდეას გადააბიჯა და შექმნა პორტრეტული რეჟიმი, რომელიც მხოლოდ ერთ კამერას მოითხოვს და ძირითადად iPhone X-ზე უკეთესადაც კი მუშაობს.

3. Essential Phone

ალბათ გაგიგიათ, რომ Android-ის შემქმნელს ახლა თავისი ბრენდი და სმარტფონი აქვს. ეს არის Essential Phone, რომელიც Android სმარტფონების ლიდერად უნდა წარმოდგენილიყო, თუმცა ვინაიდან მისმა კამერამ ვერ გაამართლა, სმარტფონის რეკომენდირება უფრო ძნელი გახდა ამ მომენტამდე. მას iPhone X-ის მსგავსად უჩარჩო ეკრანი და “კუნძულიც” კი აქვს, თუმცა მაშინ როდესაც iPhone-ის “წარბი” გრძელია და ბევრ სენსორს მოიცავს, Essential-ს მხოლოდ წინა კამერის თვალი აქვს. ბოლო განახლებებით კომპანიამ გამოასწორა ყველა უკმაყოფილება, რაც კი კამერასთან იყო დაკავშირებული. ის ასევე ახლა 200$-ით იაფია, ვიდრე თავდაპირველად, ამრიგად მისი რეკომენდება თავისუფლადაა შესაძლებელი iPhone X-ის წინააღმდეგ.

4. LG G6 და V30

G6მა LGის ფლაგმანურ სმარტფონებში წამოიწყო უჩარჩოობის ტრენდი. ეს იყო პირველი სმარტფონი, რომელსაც 18:9 ფარდობის ეკრანი ჰქონდა, რაც ითარგმნება კომპაქტურობაში და ფიზიკური გაბარიტების შემცირებაში.

კომპანიის მეორე ფლაგმანი, G6-ის ყველა უკმაყოფილებას ასწორებს და თითქმის ყველა ასპეკტში უმჯობესდება. აქ ახლა OLED ეკრანია გამოყენებული, კიდევ უფრო შემცირებული კანტებით, რაც სმარტფონს კომპაქტურ ზომას ანიჭებს. მისი კამერა კი სწორედ მედიის მოყვარულთათვის იყო შექმნილი. ის არა მხოლოდ შესანიშნავ პროფესიონალურ რეჟიმს გვთავაზობს ფოტოში, არამედ ვიდეოშიც.

5. Huawei Mate 10 Pro

აღნიშნული სმარტფონი Huawei-ს პირველი მცდელობაა უჩარჩოობის ტრენდზე. 18:9 ფარდობის FullView ეკრანი შესანიშნავია და კუთხიდან-კუთხემდეა გადაჭიმული. ის აღჭურვილია Kirin 970 პროცესორით, რაც კომპანიის პირველი პროცესორია ხელოვნური ინტელექტისა და ნეირული ქსელების მხარდაჭერით. მომხმარებლისთვის ეს ნიშნავს იმას, რომ ხელოვნური ინტელექტი მიხედავს პროგრამულ მხარეს თქვენს მაგივრად, შეარჩევს კამერის პარამეტრებს და მოერგება თქვენს ბატარეის მოხმარებას. 4000 მილიამპერიანი ბატარეით ეს ერთ-ერთი ენერგო-უკვდავი ფლაგმანია ფლაგმანთა შორის!

დატოვეთ კომენტარი

კომენტარები

Загрузка...