Facebook–ზე ანგარიშების მფლობელები ყველაზე პოპულარული სოციალური ქსელის მიმართ ნდობას კარგავენ და ზოგიერთი მომხმარებელი მას დემოკრატიისთვის საფრთხედაც აღიქვამს.

ამის შესახებ სააგენტო როიტერისა და გერმანული გამოცემა ბილდის მიერ ჩატარებული გამოკითხვის შედეგებშია ნათქვამი.

Reuters/Ipsos–ის კვლევის თანახმად, მონაცემთა დამუშავების საკითხში Facebook–ს სრულად ამერიკელთა 41% უჭერს მხარს. გამოკითხულთა დანარჩენ ნაწილს ეჭვი ეპარება, რომ კომპანია პირნათლად ასრულებს პერსონალური მონაცემების დაცვის კანონმდებლობის მოთხოვნებს.

ეს მაჩვჩენებელი ყველაზე დაბალია IT-გიგანტებისადმი მომხმარებელთა ნდობის რეიტინგში ყველაზე დაბალია. მაგალითისთვის, გამოკითხულთა 62% მზადაა, პერსონალური მონაცემები გადასცეს Google Alphabet Inc–ს ან/და Microsoft–ს.

გერმანული გამოცემა ბილდის მიერ გამოქვეყნებული ანგარიში კომპანიებს მსხვილ რეპუტაციულ დანაკარგებზე დააფიქრებს. სოციოლოგების მონაცემებით, რესპონდენტების 60% მიიჩნევს, რომ სოციალურმა ქსელებმა დემოკრატიაზე უარყოფითი გავლენა მოახდინეს.

ექსპერტების ვარაუდით, სოციალური ქსელებიდან მომხმარებელთა გლობალურ გადინებაზე საუბარი ჯერ ნაადრევია. „ისეთ პლატფორმაზე უარის თქმა, როგორიც არის Facebook, ფსიქოლოგიურად რთულია, მან მაგრად გაიდგა ფესვები ადამიანების ცხოვრებაში“, აცხადებს ინტერნეტ–ანალიტიკოსი დებორა უილიამსონი. მისი აზზრით, ნდობის დაკარგვა ყოველთვის არ ნიშნავს სერვისზე აუდიტორიის სრულ უარს.

გასულ კვირაში ქსელში ფლეშმობი გამოჩნდა სახელწოდებით deletefacebook. მომხმარებლები შლიდნენ სოციალურ ქსელში საკუთარ ანგარიშებს. ამ მოძრაობას კომპანიების Tesla და Space X ხელმძღვანელმა ილონ მასკმაც დაუჭირა მხარი. შედეგად, Facebook–ის აქციების ფასი 14%–ით დავარდა.

ტელეკომპანია CNN-მა Facebook–ის 50 მლნ მომხმარებლის პირადი მონაცემების გაჟონვის შესახებ ინფორმაცია 19 მარტს გაავრცელა.

დატოვეთ კომენტარი

კომენტარები

Загрузка...