86 წლის სარინა ბარბაქაძეს რამდენიმე თვეა იმის დამტკიცებას ცდილობს, რომ ცოცხალია – ოფიციალურ საბუთებში ის გარდაცვლილად ჩაწერეს.

სირანა ბარბაქაძე იუსტიციის სახლმა გარდაცვლილად 9 თვის წინ გამოაცხადა. სახელმწიფო უწყებები კი უმტკიცებენ, რომ გარდაცვლილია და შესაბამისად მას პენსია და სოციალური დახმარებაც მოუხსნეს. მოხუცი ელემენტარული დოკუმენტების მიღებასაც ვეღარ ახერხებს.

სირანა ბებოს გაცოცხლებას ოჯახი 4 თვეა ცდილობს. მოხუცს ხან რომელ ინსტანციაში იბარებენ ხან რომელში.  დარწმუნდებიან რომ ცოცხალია, მაგრამ გაუქმებულ პირადობის მოწმობას მაინც არ აძლევენ.

ვინ დაუშვა შეცდომა, ოჯახმა არ იცის. გაიგეს მხოლოდ ის, რომ ადგილობრივი მუნიციპალიტეტიდან გარდაცვალების ცნობა საგარეჯოს იუსტიციის სახლში გადაუგზავნიათ. სოფელ ვეჯინის გამგეობაში ამ თემაზე ლაპარაკი არ სურთ. თავად გამგებელი კი ამბობს, რომ შეცდომა ყველას მოსდის, მიზეზი კი ის არის, რომ ბოლოს დროს გამგებლებს ქელეხში აღარ ეპატიჟებიან და ვინ გარდაიცვალა სოფელში ამის გაგება უჭირთ.

გამგეობის შეცდომა ბარბაქაძეების ოჯახს ძვირი უჯდება. ერთი ის რომ მოხუცი ქალბატონი პენსიას ვერ იღებს, მეორე ის რომ სახელმწიფო ვალის დაბრუნებას სთხოვს და მესამეც ყველაზე მთავარი, 86 წლის ასაკში იმის მტკიცება უწევს რომ ჯერ ისევ ცოცხალია.

დატოვეთ კომენტარი

კომენტარები

Загрузка...