ძალიან ხშირად ორიგინალის გარჩევა პატენტისგან ძალიან ძნელია. გთავაზობთ 6 მეთოდს, რომელიც ამ პროცესს გაგიმარტივებთ.

1. პოლიეთილენის შეფუთვა


სუნამოს არომატის შეგრძნებას თავიდანვე ვერ შეძლებთ, ამიტომ მათი სიყალბის დადენა ვიზუალურად სცადეთ:
თუ ყუთი გამჭვირვალე პოლიეთილენით არის შეფუთული, მაშინ იგი სწორად, ყოველგვარი დეფექტების გარეშე უნდა ეკვროდეს მას.
პოლიეთილენი შეკვრაზე თერმო მეთოდით არის გადაკრული და არა წებოვანი ლენტით.
ორიგინალი შეფუთვა დაკუჭული პოლიეთილენით არასდროს იქნება შეფუთული.

2. ყუთი


ყურადღებით დააკვირდით პარფიუმის ყუთს. ყველაზე მინიმალური, რასაც ყურადღება უნდა მიაქციოთ – ეს სახელწოდებაა. პატენტებში ხშირად გვხვდება გამოტოვებული ასოები ან დამატებითი ასოები, შემდეგ საქმე ცოტა რთულადაა:
ნამდვილი სუნამოს ყუთზე ვერასდროს აღმოაჩენთ წარწერას parfume, რადგან სწორია parfum.
ორიგინალ ყუთზე მითითებული უნდა იყოს არა მხოლოდ მწარმოებელი ქვეყანა, არამედ ისიც, რომ სუნამო შექმნილია ამ ქვეყანაში, ანუ მაგალითად, არა მხოლოდ «Italy», არამედ «Made in Italy».
ორიგინალ ყუთზე უნდა იყოს ინფორმაცია: სუნამოს ვადა, მწარმოებელი ქვეყანა, მისი შემადგენლობა და მოცულობა.

3. ნიშნები


“წაიკითხე ნიშნები”ორიგინალ შეფუთვაზე ეძებე ნიშნები:
შტრიხ კოდი, რომელსაც კარგი იქნება თუ შეამოწმებთ. უბრალოდ ტელეფონში შესაბამისი აპლიკაცია გადმოწერეთ, რომელიც შტრიხ კოდებს კითხულობს და ასახელებს იმ ქვეყანას, რომელსაც იგი ეკუთვნის. თუ ეს კოდი სუნამოზე მითითებულ ქვეყანას ემთხვევა, მაშინ ვსვამთ ერთ პლუსს (არსებობს „კარგი“ პატენტებიც)
შეხედეთ ნიშანს „recycling“-ს. ის მკვეთრი უნდა იყოს.


შემდეგ მოძებნე რიცხვები, რომლებიც ამოტვიფრული უნდა იყოს ყუთზე და არა უბრალოდ დაბეჭდილი.ასეთივე ნიშანი ფლაკონზეც უნდა ნახოთ.
მრგვალი შავი ისარი თეთრ რგოლში, ეს აუცილებლად უნდა იყოს ყუთზე.


სერიული ნიშანი კი აუცილებლად უნდა იყოს ყუთზე, შესაძლოა წებოვან ლენტზე ამოტვიფრული და იგი არ უნდა იშლებოდეს.

4. დამატებითი კონსტრუქცია


ყუთის შიგნით აუცილებლად უნდა იყოს დამატებითი კონსტრუქცია, რომელიც სუნამოს ფლაკონს არ აძლევს „მოძრაობის უფლებას“. ხშირად იგი თხელი მუყაოსგან არის შექმნილი და მისი ამოღება მარტივია. იგი შესაძლოა ნებისმიერი ფორმის იყოს, მაგრამ მისი არსებობა აუცილებელია.

5. ფერი


თუ თქვენს საყვარელ სუნამოს მუქი ფერი აქვს, მაშინ ესტუმრეთ მწარმოებლის ვებგვერდს და იხილეთ როგორ უნდა გამოიყურებოდეს იგი. გახსოვდეთ, რომ ორიგინალი სუნამოების ფერი ნაზი და მიმზიდველია. თუ ინტუიციურად თვლით, რომ სუნამოს ფერი საეჭვოა – ეს საკმარისია რომ სუნამო არ იყიდოთ.

6. ყურადღება მიაქციეთ ფლაკონის თავსახურს


ფლაკონის თავსახური იდეალურად სწორი და სიმეტრიული უნდა იყოს(რა თქმა უნდა, თუ დიზაინერს ასიმეტრია არ აქვს ჩაფიქრებული). აუცილებლად გაიგეთ, რა მასალისგან უნდა იყოს თავსახური დამზადებული. როგორც წესი, ამ ინფორმაციის მიღება ამა თუ იმ სუნამოს ოფიციალური მწარმოებლის ვებგვერდების საშუალებით არის შესაძლებელი.

არავინ იცის, პატენტი სუნამოს გამოყენებამ რა შედეგები შეიძლება გამოიწვიოს. თუ ამას გათვიცნობიერებულად აკეთებ, გახსოვდეს რომ ჯანმრთელობაზე და იმ ნივთიერებაზე, რომელიც ჩვენ ორგანიზმზე ხვდება, ეკონომიის გაკეთება არ შეიძლება. ასევე, პატენტის სუნი სწრაფად ქრება – რჩება მხოლოდ მოგონება.

წყარო: news.vitube.ge

დატოვეთ კომენტარი

კომენტარები

Загрузка...