პოლიციის ცნობით, პატარა ბიჭმა “ქინდერის” კვერცხში მოულოდნელი სიურპრიზი აღმოაჩინა: მეტამფეტამინის თეთრი ფხვნილი.

ბიჭი თავის რვა წლის ძმასთან თამაშობდა, ჩრდილოეთ ირლანდიის ლიმავადის დრამაჩოზის რაიონში. მან ქინდერის ყვითელი პლასტიკური ნიჟარა გახსნა, სადაც სათამაშოს ნაცვლად, ტომარაში ფხვნილი აღმოჩნდა. საბედნიეროდ, ბიჭმა მაშინვე გადასცა ტომარა მის მამას, რომელმაც პოლიციას შეატყობინა.

“ტომრის შიგთავსი, რომელიც ნაპოვნი იქნა სათამაშო კვერცხის შიგნით, ამფეტამინი აღმოჩნდა. ნარკოტიკის ეს მცირე რაოდენობა პოლიციის მიერ იქნება ლიკვიდირებული “, განაცხადა ინსპექტორმა კოლინ შოუმ.

“ეს ინციდენტი ყველა ჩვენგანისთვის მნიშვნელოვან შეშფოთების საგანს წარმოადგენს. უკანონო ნარკოტიკების გამოყენების და მიწოდების აღკვეთა ჩვენთვის პრიორიტეტია და ის, რომ რაღაც, პოტენციურად საშიში, რომელიც ბავშვებს შეეძლოთ ეპოვათ განადგურებულია, ძალზე მნიშვნელოვანია“, განაცხადა მან.

ადგილობრივი ხელისუფლების წარმომადგენლის, ალან რობინსონის თქმით, დიდი გამართლება იყო, რომ ბავშვმა კვერცხის შიგთავსი არ გადაყლაპა: „ღვთის მადლით შიგთავსი ბავშვის მამას გადაეცა, რომელმაც პოლიციას შეატყობინა.“ „როგორც მამამ, მე ვიცი, როგორი მიმზიდველია ქინდერ კვერცხები და მათი შიგთავსი ბავშვებისთვის“. „ამ შემთხვევაში ბავშვები უნდა შეაქო იმისათვის, რომ შიგთავსი მშობელს გადასცეს“.

MASHABLE

წყარო postalioni.com

დატოვეთ კომენტარი

კომენტარები

Загрузка...