23 წლის მექსიკელი კარლა იასინტო მას შემდეგ, რაც ტრეფიკინგის მსხვერპლი გახდა, ის 43.200-ჯერ გააუპატიურეს, – ამის შესეხებ მან CNN-თან ისაუბრა.

კარლას თქმით, როდესაც ის 12 წლის იყო, მეხიკოში 22 წლის ბიჭი გაიცნო, რომლმაც მისი ყურადღება ძვირადღირებული საჩუქრებით მიიპყრო. გარკვეული დროის შემდეგ კი მასთან ერთად საცხოვრებლად ტენანსინგოში გადავიდა. სამთვიანი თანაცხოვრების შემდეგ, მამაკაცმა გოგონას პროსტიტუციაში ჩაბმა მოსთხოვა. 4 წლის განმავლობაში კარლა იძულებული იყო ყოველდღიურად დილის 10 საათიდან შუაღამემდე ემუშავა და დღეში საშუალოდ 30 მამაკაცს მომსახურებოდა.

“4 წლის განმავლობაში ყოველ დღე, დილიდან შუაღამემდე 30 მამაკაცს ვემსახურებოდი. ეს ძალადობის 43.200 შემთხვევა გამოდის. ანუ გამოდის, 43.200-ჯერ გამაუპატიურეს” – განაცხადა კარლამ

როდესაც კარლა 13 წლის იყო, ერთ-ერთ სასტუმროში, სადაც ის მუშაობდა, პოლიციამ რეიდი მოაწყო. მისი თქმით, დარწმუნებული იყო მესაზღვრეები მისი და მასთან ერთად მომუშავე არასრულწლოვნების გადასარჩენად მივიდა, თუმცა პირიქით მოხდა. პოლიციამ მაკომპომანტირებელი ჩანაწერები გააკეთა და გოგონებს მათი ნათესავებისთვის გაგზავნით დაემუქრა.

2008 წელს მექსიკის პოლიციის ერთ-ერთი რეიდის დროს კარლა სექსუალური მონობიდან გათავისუფლდა.

„არასრულწლოვნებს ატყუებენ, იტაცებენ ოჯახებიდან. თქვენ არა მხოლოდ უნდა მოისმინოთ ჩემი ისტორია, არამედ გაიგოთ, რა მოხდა ჩემს ცხოვრებაში, რა შემემთხვა მე და არ დაუშვათ მსგავს მდგოამრეობაში სხვაც აღმოჩნდეს“ – აცხადებს კარლა.

დღესდღეობით, კარლა ადამიანთა ტრეფიკინგის წინააღმდეგ აქტიურად იბრძვის და მონაწილეობას კონფერენციებსა და საზოგადოებრივ ღონისძიებებში იღებს.

წყარო: mediaclub.ge

დატოვეთ კომენტარი

კომენტარები

Загрузка...