უფლებადამცველი გიორგი თევზაძე ეხმიანება სამეფო კლუბის სპიკერის, გაიოზ (გია) მამალაძის მიერ გავრცელებულ განცხადებას, რომელიც აღნიშნავს, რომ “ოკუპაციის შესახებ კანონის “შერბილება” გამორიცხულია და იგი უნდა გამკაცრდეს ! როგორც გია ( გაიოზ) მამალაძემ მედიასთან საუბრის დროს აღნიშნა, „ერთ-ერთმა პოლიტიკურმა პარტიამ განსაკუთრებით გაააქტიურა მოქმედება ოკუპაციის შესახებ კანონის გამარტივების, “შერბილების” მოთხოვნით, რაც, ჩვენი აზრით, ყოვლად მიუღებელია და არ არის ადექვატური ოკუპანტი ქვეყნის მხრიდან საქართველოსადმი განხორციელებული აგრესიის ფაქტებისა, ცხინვალისა და სოხუმის რეგიონების “სახელმწიფოებად” გამოცხადებისა, პერმანენტულად მეტი და მეტი მიწების დაკავებისა, ე. წ. საზღვრის გადმოწევისა და ა. შ. ოკუპანტებისადმი “რბილი” დამოკიდებულება გამორიცხულია! ოკუპაციის შესახებ კანონის “შერბილება” არ შეესაბამება საქართველოს ინტერესებს. მეტიც,ის ჩვენს საწინააღმდეგოდ იმუშავებს მსოფლიო პოლიტიკურ არენაზე და ჩამოგვაშორებს მხარდამჭერებს, რომლებიც აღიარებენ საქართველოს ტერიტორიულ მთლიანობას! ოკუპაციის შესახებ კანონის გამარტივება, “შერბილება” გამორიცხულია, სეპარატისტ-მარიონეტები კრძალავენ ქართულ ენას სკოლებში, ფაქტობრივად, აიძულებენ ქართულ მოსახლეობას მიატოვონ მშობლიური კუთხე და ა. შ. ფაშისტებისადმი “რბილი” დამოკიდებულება გამორიცხულია! პირიქით, უნდა გამკაცრდეს ოკუპაციის შესახებ კანონი! დიახ, ოკუპაციის შესახებ კანონი უნდა გამკაცრდეს – საქართველოს სახელისუფლებო სტრუქტურების წარმოამდგენელთა მიმართ, რომლებიც ვერ უზრუნველყოფენ ოკუპაციის შესახებ კანონის მოქმედებას და ვერ ეწევიან თავიანთ სამსახურეობრივ მოვალეობას სახელმწიფოს ინტერესების შესაბამისად, ხან “შემოეპარებათ” კანონის დამრღვევი, ხან “სია არ აქვთ” მესაზღვრეებს კანონის დამრღვევებისა და ა. შ. გარდა ამისა, ყველა, ქართველი იქნება თუ უცხოელი, ვინც სოხუმისა და ცხინვალის ოლქებს უწოდებს სახელმწიფოს, თუნდაც, არაოფიცალურად, უნდა ჩაითვალოს ოკუპაციის შესახებ კანონის დამრღვევად, სანქციები უნდა დაწესდეს და ეცნობოს მსოფლიოს ყველა სახელმწიფოს და უნდა მოვითხოვოთ მისი შესაბამისად დასჯა (თანამდებობის დატოვება, თუ ისეთი თანამდებობა უკავია, რომელიც პოლიტიკურია (ევროკავშირი, ევროსაბჭო თუ სხვა)… საქართველოს მოქმედ მთავრობას თუ სურს, რაიმე მოლაპარაკება გამართოს ოკუპანტი ქვეყნის რომელიმე წარმომადგენელთან, რომელსაც დარღვეული აქვს ოკუპაციის შესახებ კანონი ან ოკუპანტების მარიონეტი სეპარატისტების რომელიმე წარმომადგენელთან, უნდა გამოსცეს შესაბამისი დადგენილება, რომელიც იქნება ღია, გააცნობს საზოგადოებას და აგვიხსნის , თუ რატომ უნდა შემოუშვან საქაღთველოში რომელიმე პოლიტიკოსი, თუ ასეთი საჭიროება იქნება (რასაც კანონი ითვალისწინებს)… სხვა შემთხვევაში მთავრობის მხრიდან ასეთი ქმედება, ან უმოქმედობა, უნდა ჩაითვალოს ოკუპაციის შესახებ კანონის დარღვევად და შესაბამისად პასუხისმგებელი პირის წინააღმდეგ უნდა განხორციელდეს სანქციები“ _ აღნიშნავს სამეფო კლუბის სახელით გაიოზ (გია) მამალაძე. როგორც უფლებადამცველი გიორგი თევზაძემ განაცხადა, ის სრულიად იზიარებს სამეფო კლუბის სპიკერის პოზიციას და აცხადებს, თუ მოვლენების განვითარებას დავაკვირდებით, 2012 წლის არჩევნების შემდეგ შეიმჩნევა ხელისუფლების მხრიდან რუსეთის მიმართ ლოიალური დამოკიდებულება. ,,კერძოდ , ჯერ იყო და გადაარქვეს ოკუპირებულ ტერიტორიების საკითხებთან მომუშავე სახელმწიფო უწყებას სახელწოდება და უწოდეს ,,შერიგების და სამოქალაქო თანასწორობის საკითხების“ სამინისტრო, რითაც თავისთავად ოკუპანტი რუსეთის სურვილი დააკმაყოფილეს, შემდეგ შეარბილეს კანონი ოკუპაციის შესახებ… კრემლის ეკონომკურ ბერკეტს – „გაზპრომს „დაუკმაყოფილეს სტრატეგიული სურვილი და ხელი მოაწერეს მათ სასურველ ხელშეკრულებას, რომელიც ეხებოდა საქართველოდან სასომხეთში რუსული გაზის გატარების ტარიფს … ამჟამად, როგორც სომხეთის მხარე მედიაში აცხადებს, მიმდინარეობს თურმე მოლაპარაკება საქართველოს მხარესთან , რათა საქართველომ გაუხსნას სატრანსპორტო მიმოსვლის სატრანზიტო გზა რუსეთის მიერ ოკუპირებულ ტერიტორიაზე, სამაჩაბლოს მიმართულებით, სომხეთიდან მომავალ ტრანსპორტს რუსეთში გასასვლელად, რაზეც შეიძლება თამამად ითქვას, რომ ეს გადაწყვეტილება ხელისუფლების მხრიდან თუ ასეთს ექნება ადგილი ( იმედი მაქვს, რომ ასეთი რამ არ მოხდება) იქნება საქართველოს სახელმწიფოებრივი ინტერესების წინააღმდეგ მიღებული, რაც საზოგადოებისაგან და მომავალი თაობისაგან უფრო მძიმე შეფასებას დაიმსახურებს“ _ აღნიშნავს თევზაძე.

 

დატოვეთ კომენტარი

კომენტარები

Загрузка...