ჰარი პოტერის შესახებ დაწერილი ორი ახალი წიგნის – “ჰარი პოტერი: ჯადოქრობის ისტორია. წიგნი გამოფენისთვის” და “ჰაერი პოტერი: ჯადოქრობის ისტორიაში მოგზაურობა” – გამოცემა ოქტომბერშია დაგეგმილი. ამის შესახებ ინფორმაციას Radio Times-ი ავრცელებს.

ორივე წიგნი, რომელთა შექმნაშიც ჯოან როულინგს მონაწილეობა არ მიუღია, ჰოგვარტსში ჰარი პოტერამდე მიმდინარე მოვლენების ისტორიაა.

“ჰარი პოტერი: ჯადოქრობის ისტორია. წიგნი გამოფენისთვის” მკითხველს ჰოგვარტსის სკოლაში ჯადოსნობისა და მაგიის გაკვეთილების შესახებ მოუთხრობს. ამბობენ, რომ წიგნს იმ ისტორიკოსებისა და მკვლევრების კომენტარები დაერთვება, რომლებიც ჰარი პოტერსა და ძველ სამყაროში არსებული მითებსა და ლეგენდებს შორის პარალელებს ავლებენ.

“ჰარი პოტერი: ჯადოქრობის ისტორიაში მოგზაურობა” კი იმის შესახებაა, თუ როგორ შეიქმნა “ფილოსოფიური ქვა”, გაცხადდება საიდუმლო “უჩინმაჩინის მანტიის” შესახებ.

გამომცემლებმა ორივე წიგნის პრეზენტაცია ჰარი პოტერის პირველი ნაწერის გამოცემიდან 20 წლის იუბილეს დაამთხვიეს.

დატოვეთ კომენტარი

კომენტარები

Загрузка...