NASA- ჰაბლის ტელესკოპმა ახალი გალაქტიკის NGC 7250-ის ფოტოები გადაიღო.

ამერიკის კოსმოსური სააგენტოს განცხადებით, გალაქტიკა გენიალურია იმ მხრივ, რომ შეიმჩნევა ვარსკვლავთწარმომქმნელი პროცესის ნაკადები, ასევე სუპერნოვათა აფეთქებები.

NASA-ს ოფიციალურ განცხადებაში ნათქვამია, რომ ახლადაღმოჩენილი გალაქტიკა დაჩრდილულია მის მახლობლად მოკიაფე ვარსკვლავის გამო, რომელსაც ცენტრისკენ მიმართული ყურადღება საკუთარ თავზე გადააქვს.

კაშკაშა ობიექტი, რომელიც ფოტოზეა აღბეჭდილი, წარმოადგენს მარტოხელა ვარსკვლავის კატეგორიას, რომელიც ხვლიკის თანავარსკვლავედში მდებარეობს, იგი ნაკლებადშესწავლილია და TYC 3203-450-1 ჰქვია. ვარსკვლავი იმ გალაქტიკისგან შედარებით, რომელიც ფოტოზეა ასახული და მის უკან მდებარეობს, დედამიწასთან გაცილებით ახლოსაა.

მეცნიერები, რომლებიც შორს მდებარე ობიექტებს შეისწავლიან, მსგავს ვარსკვლავებს „წინა რიგის ვარსკვლავებს“ უწოდებენ, აღსანიშნავია, რომ მსგავსი ვარსკვლავები სხვადასხვა ობიექტებისა და გალაქტიკების შესწავლაში მათ ხშირად ხელს უშლიან. ამ შემთხვევაშიც ასეა, ვარსკვლავი TYC 3203-450-1 გალაქტიკა NGC 7250-ის შესწავლაში მათ საკმაოდ უშლის ხელს, თუმცა, სანახაობა და ჰაბლის მონაპოვარი ნამდვილად უნიკალურია.

ამ შემთხვევაში გალაქტიკა NGC 7250-სთან შედარებით TYC 3203-450-1 ჩვენთან მილიონჯერ უფრო ახლოს არის, გალაქტიკა დედამიწისგან 45 მილიონი სინათლის წლის დაშორებით არის.

როგორც NASA იუწყება, მოკაშკაშე ვარსკვლავიც ისევე შორს რომ იყოს ჩვენგან, როგორც გალაქტიკა, იგი ჰაბლის მიერ გადაღებულ ფოტოზე არ გამოჩნდებოდა.
Read more: http://mpress.ge

 

დატოვეთ კომენტარი

კომენტარები

Загрузка...