ხელფასების მომატების საკითხს იმ შემთხვევაში მოვაწერ ხელს, თუ დავადგენ, რომ საკრებულოს სხდომა ლეგიტიმურად ჩატარდა – აცხადებს ბორჯომის საკრებულოს თავმჯდომარე ზაზა ჩაჩანიძე. ჩაჩანიძე იმ აქციასაც ეხმაურება, რომელიც “ქართულმა ოცნებამ” დღეს 17 საათისთვის დააანონსა ბორჯომში. აქცია სწორედ ჩაჩანიძის გადადგომის მოთხოვნით უნდა ჩატარდეს:

„მე დაველოდები აქციას, გავიგებ კონკრეტულად თუ რას ითხოვენ. მათ უნდა დაასაბუთონ, რატომ მოითხოვენ ჩემს გადგომას. მე ბორჯომის მოსახლეობის მიერ ვარ არჩეული. მე ვიმოქმედებ ისე, როგორც დასჭირდება ბორჯომს და არა ისე, როგორც უნდა ირაკლი კვირკველიას“, – განაცხადა ზაზა ჩაჩანიძემ.

ბორჯომის საკრებულოს გუშინდელ სხდომაზე, სადაც ბორჯომის მერიის თანამშრომლების ხელფასების მატების საკითხი განიხილებოდა, 26 დეპუტატიდან საკითხის დამტკიცებას მხარი “ქართული ოცნების” 11-მა დეპუტატმა დაუჭირა 15-მა ოპოზიციონერმა დეპუტატმა კი აღნიშნულ საკითხს მხარი არ დაუჭირა. შესაბამისად, ხმების არასაკმარისი რაოდენობის გამო, ხელფასების საკითხი ჩავარდა, რასაც უკვე დაპირისპირება და ხმაური მოჰყვა.

pirveliradio.ge

დატოვეთ კომენტარი

კომენტარები

Загрузка...