“ხელისუფლებამ თავის დროზე მოიწონა და დაადგინა ის ნორმატიული აქტები, რომლითაც ადგილობრივი თვითმართველობები შეიქმნა, დღეს კი სამწუხაროდ “ქართული ოცნება” თავისივე შექმნილ თვითმართველობის ინსტიტუტს აუქმებს, რაშიც რამოდენიმე რეგიონის ხელმძღვანელმა მხარი აუბა და ადგილობრივი მმართველობა გააუქმეს. თუმცა არსებობს გაუქმების მიზეზებიც, რადგან ხელისუფლებაში დასაქმებულმა პირებმა თვითმართველობების პრინციპი სხვანაირად აღიქვეს და გადაიქცნენ კორუფციისა და ნეპოტიზმის ჭაობად. იმის ნაცვლად, რომ ხელისუფლებამ რეგიოენბში არსებული ნეპოტიზმი და კორუფცია აღმოფხვრას კორუფციაში და ნეპოტიზმში ჩაფლული ადამიანების გადარჩენას თვითმართველობის გაუქმებით ცდილობენ. მათი ეს ქმედება მხოლოდ ერთ რამეს ემსახურება, ისინი საკუთარი იმიჯის გადარჩენას ცდილობენ, მაგრამ ისმის კითხვა კორუფციის წინააღმდეგ ბრძოლის ნაცვლად თვითმართველობების გაუქმებაა გამოსავალი? სამწუხაროდ “ქართულმა ოცნებამ” ვერ გააკონტროლა რეგიოენები და შესაბამისად ეხლა შიშიც კი გაუჩნდათ, რომ არჩევნებზე მათი კანდიდატები ვერ გაიმარჯვებენ და გამოსავალი მხოლოდ თვითმართველობების გაუქმებაში იპოვეს.. ვფიქრობ, რომ მათი ეს ქმედება სამარცხვინოა, პრობლემებთან ბრძოლის ნაცვლად ძალიან ძლიერ ინსტიტუტს აუქმებს. მივმართავ საზოგადოებას და ოპოზიციურ ძალებს თუ “ქართული ოქნება” ვერ ახერხებს ამ ძლიერი და დემოკრატიული ინსტიტუტის დაცვას და შენარჩუნებას ჩვენ ვიბრძოლოთ მის გადასსარჩენად და არ მივცეთ ხელისუფლებას, რეგიონების მათ სადავეებში ჩაგდების უფლება. ეს ინსტუტუტი ევროპის ქვეყნებში წარმატებით ფუნქციონირებს, თუმცა ჩვენმა მოქალაქეებმა თვითმართელობის ნაცვლად თვითნებურად მართვის ფუნქცია შეიმუშავა, რამაც პრობლემის წინაშე დააყენა რეგიონში მცხოვრები მოქალაქეებიც და სახელმწიფოც, ამიტომ მივმართავ ხელისუფლებას გაუქმების ნაცვლად გაატარონ შესაბამისი ღონისძიებები და დასაჯონ პირები, რომლებმაც ხალხზე ზრუნვის ნაცვლად საკუთარ ჯიბეებსა და ოჯახებზე იზრუნეს.”- აცხადებს ალექსანდრე კობაიძე.

დატოვეთ კომენტარი

კომენტარები

Загрузка...