ცესკომ არ დააკმაყოფილა თიანეთის მერობის კანდიდატის, ლელა ქიტესაშვილის საჩივარი იმ ნაწილში, რომელიც მერის არჩევნების შედეგების გაუქმებას და მეორე ტურის დანიშვნას ითხოვდა.

ცესკოს გადაწყვეტილებით, შედეგები მერის არჩევნების ნაწილში უცვლელი დარჩა. შესაბამისად, ძალაში რჩება სასამართლოს გადაწყვეტულება, რომლის თანახმად თიანეთში თვითმმართველობის არჩევნებში 1 ხმით თამაზ მეჭიაური იმარჯვებს.
როგორც ჟურნალისტებს „ქართული ოცნებიდან“ თიანეთის მერობის კანდიდატმა ლელა ქიტესაშვილმა განუცხადა, დიდი ალბათობით ბრძოლის გაგრძელებას აპირებს. „კომისიამ არც მოწმეებს მოუსმინა და არც სადამკვირებლო ორგანიზაციას, რომლებსაც ცალსახად ჰქონდათ ჩამოყალიბებული განსხვავებული აზრი ამ დათვლასთან დაკავშირებით”, – აღნიშნა ქიტესაშვილმა.~
წყარო: ipn

დატოვეთ კომენტარი

კომენტარები

Загрузка...