ჩრდილოეთ და სამხრეთ კორეის ლიდერებს შორის აუდიენცია გრძელდება. შეხვედრის ფარგლებში კიმ ჩენ ინმა და მუნ ჯე ინმა ორი ქვეყნის საზღვარზე ფიჭვის ხე დარგეს. ამის შესახებ Reuters-ი წერს.

„ვრგამთ მშვიდობას და გამჭირვალობას“. ღონისძიების პარალელურად ამ სახელწოდების წარწერები გამოჩნდა ორი ქვეყნის ლიდერის გვერდით.

აუდიენციის ფარგლებში საღამოს ლიდერები ივახშმებენ და ფილმს უყურებენ. დაგეგმილია ერთობლივ დეკლარაციაზე ხელის მოწერაც.

მანამდე ჩრდილოეთ და სამხრეთ კორეის ლიდერებმა „სამუდამო მშვიდობის“ დამყარებაზე ისაუბრეს.

კიმ ჩენ ინი და მუნ ჯე ინი ერთმანეთს რამდენიმე საათის წინ შეხვდნენ. კიმ ჩენ ინი პირველი ჩრდილოეთ კორეელი ლიდერია 1953 წლის შემდეგ, რომელიც სამხრეთ კორეას ესტუმრა.

imedinews.ge

დატოვეთ კომენტარი

კომენტარები

Загрузка...