ერთ-ერთი ყველაზე ცნობილი ჩინელი პროპაგანდისტი მთავრობის მიერ ინტერნეტის კონტროლის მექანიზმებს აკრიტიკებს, რომელიც 1 ოქტომბერს, ჩინეთის სახალხო რესპუბლიკის 70 წლის თავის იუბილეს უკავშირდება. ამის შესახებ ინფორმაციას CNN-ი ავრცელებს.

მომავალ საზეიმო თარიღთან დაკავშირებით, ჩინეთის კომუნისტურმა პარტიამ კიდევ უფრო გაამკაცრა ქვეყანაში ინტერნეტზე კონტროლი და გარკვეულ ვებგვერდებზე წვდომა. სახელმწიფო მედიაგამოცემა Global Times-ის მთავარი რედაქტორი ჰუ სინძინი ჩინურ სოციალურ ქსელ Weibo-ში წერს, რომ ინტერნეტკონტროლმა სამთავრობო პუბლიკაციების გამოქვეყნებაც კი გაართულა.

“ჩემი აზრით, ეს ცოტა უკვე ზედმეტია…. ხალხის უმეტესობა პატრიოტია და უყვარს გართობა”, – წერს ჰუ სინძინი და დასძენს: “ქვეყანა არ არის მყიფე. ჩემი რჩევაა, რომ ჩვენ ცოტა უფრო ღია უნდა დავტოვოთ [ინტერნეტი] უცხოური ვებგვერდებისთვის”, – ამბობს ჩინური სამთავრობო გამოცემის მთავარი რედაქტორი.

დატოვეთ კომენტარი

კომენტარები