ჩინელმა მკვლევარებმა ფოტონის ტელეპორტაცია განახორციელეს. ფოტონი არის სივრცეში სინათლის გადამტანი ელემენტარული ნაწილაკი.

90-იან წლებში მეცნიერები მხოლოდ ვარაუდობდნენ, რომ ტელეპორტაცია კვანტური ფიზიკის თეორიის გამოყენებით შესაძლებელი იყო. დღესდღეობით კი, ჩინელმა მკვლევარებმა ამ პროცესში რამდენიმე პროგრესული ნაბიჯი გადადგეს: მათ წარმატებით განახორციელეს გობის უდაბნოდან ფოტონის ტელეპორტაცია სატელიტურ თანამგზავრ “Micius”-ზე, რომელიც 500 კილომეტრზე მეტი მანძილით არის დაშორებული დედამიწის ზედაპირიდან.
ოქსფორდის უნივერსიტეტის ექსპერიმენტული ფიზიკის პროფესორმა, იან  ვოლმსლიმ  “The World At One”-ს განუმარტა, თუ როგორ ვითარდება კვანტური გადახლართვა და როგორ შეიძლება ტელეპორტაციის გამოყენება.
მისი თქმით, ასეთი ძალისხმევა მიიღწევა “კვანტური გადახლართვის” პროცესის საშუალებით, სადაც ორი ნაწილაკი ერთდროულად რეაგირებს ერთმანეთთან ფიზიკური კავშირის გარეშე.
მკვლევარებმა ფოტონები გაზომეს როგორც დედამიწაზე, ასევე, ორბიტაზე  და დაადასტურეს, რომ ტელეპორტაცია მოხდა. „გლობალური მასშტაბის კვანტური ინტერნეტის ჩამოყალიბების თვალსაზრისით, ეს მნიშვნელოვან მიღწევად ითვლება”, – აცხადებენ ჩინელი მკვლევარები.

სრული ვერსიის ნახვა pia.ge

დატოვეთ კომენტარი

კომენტარები

Загрузка...