ჩინელმა მეცნიერებმა მთვარის საკვლევად ახალი მიზნები დაისახეს, რომელთა განხორციელებასაც მალევე აპირებენ. ახალი გეგმები ახლახანს დასრულებული სამეცნიერო კონფერენციის (Global Space Exploration Conference) ფარგლებში დაისახა, პეკინში.

კვლევის ფარგლებში, დედამიწის ორგანიზმებზე მთვარის ზემოქმედება უნდა გამოიკვლიონ და 2018 წელს მთვარეზე კარტოფილი უნდა დათესონ. ინფორმაციას China Radio International ავრცელებს.

„მინი ეკოსისტემა მთვარის ზედაპირზე“ ჩონგკინგის უნივერსიტეტის პროექტია და ამავე უნივერსიტეტის კვლევითი ცენტრი ახორციელებს.

„მცირე ეკოსისტემა“, რომელსაც მთვარეზე გააგზავნიან 18X16 სანტიმეტრიან ცილინდში იქნება მოქცეული და მთვარის ზედაპირზე მას Chang’e-4 მისია განათავსებს 2018 წელს.

მიზანი ერთია, გაარკვიონ, შეუძლია თუ არა კარტოფილს მთვარეზე გაიზარდოს ან შეძლებენ თუ არა დედამიწის მიკროორგანიზმები და მწერები მთვარის ზედაპირზე გადარჩენას.

დატოვეთ კომენტარი

კომენტარები

Загрузка...