Wikipedia-მ დაადასტურა, რომ ონლაინ ენციკლოპედიის მრავალენოვანი გამოცემა ჩინეთში აპრილიდან დაბლოკილია. ამის შესახებ BBC წერს.

გამოცემის ინფორმაციით, ინტერნეტ-ცენზურის მკვლევრებმა აღმოაჩინეს, რომ Wikipedia-სთან ერთად ჩინეთში შეზღუდულია წვდომა ათასობით ახალ ვებგვერდზე.

მანამდე ჩინეთმა Wikipedia-ს ჩინური ვერსია დაბლოკა, თუმცა ახლა შეზღუდვა ყველა ენაზე გავრცელდა.

ონლაინ ენციკლოპედია მსოფლიოს მასშტაბით არაერთმა ხელისუფლებამ დაბლოკა. 2017 წელს მსგავსი გადაწყვეტილება მიიღო თურქეთმა. მიმდინარე წელს Wikipedia დაიბლოკა ვენესუელაშიც.

დატოვეთ კომენტარი

კომენტარები