საქართველოში უკვე მეორედ მსოფლიო კონკურსი „მსოფლიოს საუკეთესო პრინცი და პრონცესა“ იმართება. კონკურსის ორგანიზატორი და სამოდელო სააგენტო „კატრინის“ დამფუძნებელი, ეკა მგალობლიშვილი ამ კონკურსზე გვიამბობს.

– ეს არის საერთაშორისო ფესტივალი, რომელიც საქართველოში გაიმართება 17- 24 აპრილის ჩათვლით. ბათუმს მსოფლიოს 30 ქვეყნის პრინცი და პრინცესა ესტუმრება საერთაშორისო ჟურის თანხლებით. გვიმასპინძლებს სასტუმრო „ეიფორია“. აჭარის მასშტაბით დაგეგმილია რამდენიმე ტური: ნაციონალური სამოსის ტური, ტალანტშოუ, შეხდვერდა ხელისუფლების წარმომადგენლებთან. ყველა ქვეყნის წარმომადგენელი ჩამოიტანს თავისი ქვეყნიდან პატარა უცხო მცენარეების ნერგებს და ერთად დავრგავთ ბულვარში ხელისუფლების წარმომადგენლებთან ერთად. გაიმართება მეგობრობის საღამო, ექსკურსიები ბათუმის დელფინარიუმსა და ბოტანიკურ ბაღში, ფოტოსესიები, ინტერვიუ ჟიურის წევრებთან. 23- ში კი ფინალი, სადაც ყველა კნკურსანტი დაჯილდოვდება ნომინაციით, დიპლომით, სამახსოვრო საჩუქრითა და გვირგვინით. ყველა კონკურსანტი ფინალზე დაჯილდოვდება მოოქროვილი ვერცხლის გვირგვინით.

– გაგვაცანი ქართველი კონკურსანტები, რომლებიც კონკურენციას გაუწევენ უცხოეთოდან ჩამოსულ პრინცებს და პრინცესებს.

– ფესტივალი სხვადასხვა ასაკობრივ კატეგორიაში იმართეაბა, შესაბამისად რამდენიმე კონკურსანტი დავახვედრეთ ჩვენც. ანა-მარია სააკაძე, რომელიც სოციალურად დაუცველი ოჯახიდან არის, ანანო კახიძე, დიმიტრი კამკამიძე და მარიამ კაპანაძე. წარმატებები ვუსურვოთ პატარებს.

– არ შემიძლია არ გკითხო „ჩემი ცოლის დაქალების“ ახალ გმირზე, ქალაქში ამბობენ, რომ „ჩიკა“ შენი პროტოტიპია.

– (იცინის) უი, მართლა? იცი რაა, რაღაცით ალბათ ვგავარ. პირველ რიგში იმით, რომ კონკურსები არა მხოლოდ მიყვარს, ეს ჩემი საქმეა, პროფესიაა. მოგეხსენებათ სამოდელო სააგენტო მაქვს – „კატრინი“. ვგავარ გალითად იმით, რომ გვიანობამდე მიწევს მუშაობა და ამის გამო დილა ჩემთვსაც 4 საათიდან არა, მაგრამ 1-2 საათიდან იწყება, თუ რამე გადაუდებელი საქმე არ მაქვს. ავტოკალამით არ ვიმაგრებ თმას, მაგრამ კამერის წინ კეკლუცი მეც მიყვარს. ცოტა არაპუნტუალურობაც მახასიათებს, სწორედ იმის გამო, რომ ძალიან დაკავებული ვარ.

– მაგრამ თქვენი ქმარი ბიზნესმენი არ არის…

– ჰო ასეა, ნამდვილად არ არის ჩემი ქმარი ბიზნესმენი.

– სამაგიეროდ ჩინოვნიკია. სამგორის რაიონის გამგებელი იყო ცოტა ხის წინ…

– კი, ასეა… კატეგორიულად არ ვგავარ ჩიკას ერთ საკითხში, ძალიან მიყვარს ჟურნალისტები და ძალიან დიდ პატივს ვცემ მათ შრომას. ყოველ ჩემ ღონისძიებას მათი მადლობით ვიწყებ… ჩიკასაც ჰყვარებია კონკურსები. ამიტომ გავუკეკეთებ შეთავაზებას. დააფინანსოს მათმა კლუბმა მსოფლიო სილამაზის კონკურსი, „მის და მისტერ პლანეტა“, რომელიც სექტემბერში იგეგმება საქართველოში. ჟიურიში ჯდომაც ჰყვარებია, და თუ დააფინანსებს, მოვიწვევ კიდეც სიამოვნებით (იცინის).

ნინო მჭედლიშვილი

წყარო: primetime.ge

დატოვეთ კომენტარი

კომენტარები

Загрузка...