დღეს, პოლიციამ ძიძა დააპატიმრა, რომელმაც 6 თვის ბავშვი სცემა. ასეთი ფაქტი არც პირველია და არც უკანასკნელი, მაგრამ  ქართველმა დედებმა ჭკუა ისწავლეს და სახლებში სათვალთვალო კამერები დააყენეს ძიძების გასაკონტროლებლად. ქართულ ფორუმზე ძიძებზე გამწარებული დედების არაერთი პოსტია. ისინი წერენ, რომ მათ შვილებს ფიზიკურ შეურაცხყოფას აყენებდნენ, ეჩხუბებოდნენ და ბინძურ სიტყვებს ეძახდნენ.

     ამბავი 1

,,ხალხო, დედებო, მოგიწოდებთ, რომ ყურადღება მიაქციოთ თქვენს ძიძებს, ნუ ენდობით ბოლომდე. მე ახლა დავწერ ჩემს პირად გამოცდილებას. ისტერიკა მაქვს გუშინდლიდან მოყოლებული. ჩემს ლაშიკოს, რომელიც უკვე 1 წლის ხდება, 2 თვე ვატყობდი, რომ სასტიკად განერვიულებული და აღგზნებული იყო. ღამე იღვიძებდა 2-ჯერ, 3-ჯერ, ძიძის დანახვაზე ჭირვეულობდა და ა.შ. მე და ჩემმა მეუღლემ გადავწყვიტეთ, კამერით გვედევნებინა თვალი, თუ რას აკეთებდა ძიძა ბავშვთან ერთად მთელი დღის განმავლობაში. გუშინ დილიდან ჩავრთეთ კამერა და საღამოს ვუყურეთ. რა ნახა ჩვენმა თვალებმა, ძიძა, რომელზეც ეჭვს ვერ შევიტანდი, ჩემს შვილს სცემს იმის გამო, რომ ჩაისვარა, გაიზარდა და დამძიმდა. ძიძა რუსია და სულ ,,გარშოკს“ეძახის ჩემს შვილს, ,,ზატკნის“, ,,დედიშენის“ _ ასეთი ტერმინებით ეჩხუბება ბავშვს უმიზეზოდ. გვლანძღავს მე და ჩემ ქმარს დამლაგებელ ქალთან. ბავშვს ყურადღებას არ აქცევდა, ,,მანეჟში“ ჩაუძახა და მის ტირილზე რეაქცია არ ჰქონია. თან ლაშიკო ცუდად იყო, სიცხე ჰქონდა _ 38 გრადუსი, ბრონქიტი და აი, ასე ექცეოდა სიცხიან ბავშვს, წამლებიც არ დაალევინა. ჩემ შვილს ნერვოზი დამართა და ეხლა ნევროპათოლოგთან დაგვყავს.

დღეს დილით დავიბარე ეს ძიძა და ლამის მეცხრე სართულიდან ვიფრინე. ვერ აღგიწერთ რა გადავიტანე. ჩემს ქმარს ძლივს გამოვგლიჯე ხელიდან, ახჩობდა ძიძას. მუხლის ჩოქებზე დამიდგა, არ მიჩივლოო, ყველაფერს აგიხსნიო. ამაზე უფრო ,,გავჭედე“. მოკლედ, მოვიფრინე და ახალი ძიძა ავიყვანე. ვნახოთ, კამერებით დავაკვირდები. ასე, რომ გააკონტროლეთ ძიძები!“.

ამბავი 2

,,გუშინ ძიძას კამერა ჩავურთეთ,  ბავშვს უყვიროდა არადამიანური ხმით, ანჯღრევდა და 2 საათზე მეტხანს მულფილმებს აყურებინებდა. ალბათ ამიტომაა, რომ ბოლო დროს, თვალის ცრემლიანობა დაეწყო ჩემს შვილს. ძიძისგან დათრგუნული იყო,  ხმის ამოღებას ვერ ბედავდა. გაბედავდა და საშინელი ხმით უყვიროდა. დებილი ვარ, ბავშვს მოწყენილობას  დიდი ხანია ვატყობდი და მაინც მჯეროდა იმ ძროხა ქალის…“

ამბავი 3

,,ბავშვის დედას ჰქონდა 4 თვიანი დეკრეტი+შვებულება 1 თვე. რამოდენიმე თვის წინ დაიწყო ძიძის ძებნა, რადგან უნდოდა  სამსახურში დაბრუნება, ბავშვთან კი ძიძა დარჩებოდა.  დეკრეტის ბოლო 10 დღე მოდიოდა ძიძა და დედის თანდასწრებით არაჩვეულებრივად იქცეოდა, ბავშვთან ძალიან თბილი იყო, უფროს ბავშვთანაც კი შევიდა კონტაქტში. დედა ძალიან კმაყოფილი იყო და ორშაბათს გავიდა სამსახურში. კამერის დადგმას ნებისმიერ შემთხვევაში აპირებდნენ და კიდევ კარგი, რომ მეორე დღესვე დადგეს.
ჩანაწერზე დაფიქსირდა რომ 5 თვის ბავშვთან მარტო დარჩენილი ძიძა, კარდინალურად შეიცვალა, ბავშვს ყოველ წამოტირებაზე უხამსი სიტყვებით უყვიროდა, აგრესიულად ანჯღრევდა. საშინლად ღიზიანდებოდა იმის გამო, რომ პატარას  მთელი დღე გადაბმულად არ ეძინა. ჭამისა და ტელევიზორის  ყურების მეტს ფაქტიურად არაფერს აკეთებდა. მთელი დღის მანძილზე ბავშვისთვის საფენიც კი არ გამოუცვლია. ფაქტის წინაშე დააყენეს, მაგრამ მაინც ბოლომდე თავხედურად ამტკიცებდა, რომ არაფერი განსაკუთრებული არ ჩაუდენია.
გასათვალისწინებელია ისიც, რომ თავიდანვე ბავშვის მოვლის მეტი არაფერი ევალებოდა, არანაირი სახლის საქმე, ბავშვის სარეცხი და ა. შ. მხოლოდ ბავშვის ჭამა, ძილი, ჰიგიენა და გასეირნება“.

ამბავი 4

,, ჯანდაბა რა, თავიდან წავიკითხე ეხლა ზემოთ რაც წერია და თავიდან მომეშალა ნერვები ჩემი ქმრის დედაზე, რომელიც გვერდზე სადარბაზოში ცხოვრობს და იმასაც ვერ ახერხებს, რომ უბრალოდ ძიძის გასაკონტროლირებლად გადმოვიდეს. არადა უმუშევარია, მთელი დღე სახლშია… ეხლა მე უნდა ვინერვიულო სამსახურიდან, კამერებს კი დავაყენებთ, მაგრამ… ნუ მოკლედ, რა
უხეირო არსებააა. მაპატიეთ, ავღელდი დედამთილზე“.

წყარო postalioni.com

დატოვეთ კომენტარი

კომენტარები

Загрузка...