ჩემი დაქალის მამინაცვალი განშორებიდან მალევე გავიცანი. ჩვენ ერთმანეთს შემთხვევით შევხვდით ერთ-ერთ ბარში. მან სასმელზე დამპატიჟა, შემდეგ ნომერი გამომართვა. ორი დღის შემდეგ დამირეკა და ისევ დამპატიჟა სასმელზე. დრო ძალიან სასიამოვნოდ გავატარეთ, შემდეგ კი მის ბინაში ავედით და სექსი გვქონდა. ის ისეთი ნაზი და ამავე დროს მამაკაცური იყო ჩემს მიმართ, ისეთი მაგარი სექსი გვქონდა, მსგავსი არაფერი მიგრძვნია მანამდე. შემდეგ მოვუხშირეთ შეხვედრებს, ჩვენი ინტიმური ურთიერთობა კი ყოველ ჯერზე სულ უფრო კარგი ხდება. მეუბნება, რომ ძალიან მოვწონვარ და სურს სერიოზული სახე მისცეს ჩვენს ურთიერთობას, რაც მეც ძალიან მინდა, თუმცა… ვიცი რომ ამას ჩემი დაქალი ვერ გაიგებს, რადგან ის ყოველთვის უარყოფითად საუბრობდა მამინაცვალზე და განშორების შემდეგ ისიც თქვა, რომ ამ „უნამუსო მამაკაცმა“ დედამისი მიატოვა. მე კი ვიცი რომ ეს ტყუილია, თავად დედამისმა დაუსვა წერტილი მათ ურთიერთობას. არ ვიცი, როგორ ვუთხრა, რომ მისი ყოფილი მამინაცვალი მიყვარს და მასთან ყოფნა მსურს. ნებისმიერი გადაწყვეტილების შემთხვევაში ერთ-ერთს დავკარგავ – ან დაქალს, ან შეყვარებულს. ამ ურთიერთობის საიდუმლოდ შენახვამაც დამღალა“. droni.ge

დატოვეთ კომენტარი

კომენტარები

Загрузка...