შინაგან საქმეთა სამინისტრო თბილისში დაშავებულ სამ ბავშვთან დაკავშირებით განცხადებას ავრცელებს. უწყების ცნობით, შემთხვევა გარდაბნის გზატკეცილზე, 101 კორპუსის მიმდებარე ტერიტორიაზე, სავარაუდოდ ძველი ავტოფარეხის ჩამონგრევის დროს მოხდა.

“ნანგრევებში მოყვნენ 2004 წელს დაბადებული ზ.ხ., 2003 წელს დაბადებული გ.მ. და 2010 წელს დაბადებული ნ.ქ..
სამივე არასრულწლოვანი სამედიცინო დაწესებულებაშია გადაყვანილი.

ერთ-ერთი დაშავებული კრიტიკულ მდგომარეობაში, ხელოვნურ მართვით სუნთქვაზე იმყოფება. დანარჩენი ორი არასრულწლოვნის ჯანმრთელობის მდგომარეობა სტაბილურია.

აღნიშნულზე შინაგან საქმეთა სამინისტრომ გამოძიება სისხლის სამართლის კოდექსის 24-ე მუხლის პირველი ნაწილით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს”, – წერია შინაგან საქმეთა სამინისტროს განცხადებაში.

შემთხვევის შესახებ ცნობილი ცოტა ხნის წინ გახდა.

წყარო: imedinews,ge

დატოვეთ კომენტარი

კომენტარები

Загрузка...