გადაცემა “იმედის დილის” დახურვის შესახებ გადაცემის წამყვანებმა პირდაპირ ეთერში გამოაცხადეს. დილის გადაცემის დღევანდელი ეთერის დასასრულს წამყვანები – თაკო ჩორგოლაშვილი, ოთარ ტატიშვილი და ნიკა დვალიძე მაყურებელს პირდაპირ ეთერში დაემშვიდობნენ.

“შეუძლებელია ორ წუთში ვისაუბრო იმ ემოციებზე, რაც ამ ტელეკომპანიასთან, ამ სტუდიასთან მაკავშირებს. ცოტა წარმოუდგენელიცაა, რომ დილის 5 საათზე მაღვიძარა აღარ გამაღვიძებს აქ მოსასვლელად… მადლობა თქვენ, რომ გვიყურებდით, იღვიძებდით ჩვენთან ერთად. იმედი მაქვს, მალე შევხვდებით ერთმანეთს.”- აღნიშნა თაკო ჩორგოლაშვილმა გადაცემის დასასრულს.

არსებული ინფორმაციით, დილის ეთერში მალე ახალი გადაცემა გავა, რომელსაც “იმედის დროს” შემადგენლობიდან ცოტა ხნის წინ წამოსული ჟურნალისტები და პროდიუსერი შემოგვთავაზებენ. შეგახსენებთ, რომ “იმედის დროს” სამი ჟურნალისტი და ერთი პროდიუსერი – სოფო ნიკოლაიშვილი, სოფო მთივლიშვილი, ხათუნა გაგნიძე და მარიკა ბაკურაძე გადაცემიდან რამდენიმე კვირის წინ გაუშვეს. როგორც მაშინ პროდიუსერმა, სოფო ნიკოლაიშვილმა აღნიშნა, საღამოს ანალიტიკური გადაცემის ჟურნალისტები დილის გადაცემაში გადაინაცვლებენ.

“მე და სამი ჟურნალისტი გადაგვიყვანეს “იმედის” ახალ პროექტში. ახალი გადაცემა უფრო საინფორმაციოს სტილის იქნება, სადაც უფრო მეტი საქმე მექნება”,- აღნიშნა სოფო ნიკოლაიშვლმა.რაც შეეხება გადაცემა “დღის შოუს”, ის ერთ-ერთმა წამყვანმა, სოფიკო ნარჩემაშვილმა. ის მაყურებელს პირდაპირ ეთერში დაემშვიდობა.”ეს ჩემთვის ბოლო ეთერია. მე მინდა, ჩემს კოლეგებს მომავალ პროექტებში წარმატებები ვუსურვო, ხოლო ჩემს საყვარელ ტელემაყურებელს მადლობა გადავუხადო, რომლისგანაც მხოლოდ სიყვარულს დa მხარდაჭერას ვგრძნობდი…”- აღნიშნა სოფიკო ნარჩემაშვილმა.

დატოვეთ კომენტარი

კომენტარები

Загрузка...