შეიქმნა აპლიკაცია, რომლის მიზანიც არის ადამიანებს პარტნიორთან დაშორების შემდეგ დეპრესიის დაძლევაში დაეხმაროს. აპლიკაციას Mend-ი ჰქვია. ის AppStore-ში უკვე ხელმისაწვდომია.

როგორც აპლიკაციის შემქმნელები ოფიციალურ ვებგვერდზე წერენ, ის “თქვენი საუკეთესო მეგობარია, რომელიც ჯიბეში გყავთ. სხვებისგან განსხვავებით, ჩვენ არ გეტყვით “უბრალოდ დაივიწყე ყოფილი”. დაშორების გადატანა ამაზე ბევრად რთული პროცესია. ჩვენი საქმიანობა ეფუძნება სამეცნიერო კვლევას და გეხმარებათ არა მხოლოდ იმაში, რომ უკეთ იგრძნოთ თავი, არამედ სწრაფად გახდეთ კარგად”.

აპლიკაციით მომხმარებელს შეუძლია ფსიქოთერაპევტის აუდიოტრენინგები მოისმინოს, მიიღოს რჩევები, შეადგინოს ონლაინ-დღიურები, რათა აკონტროლოს საკუთარი ემოციური მდგომარეობა. აპლიკაციაში ასევე შესაძლებელია სტატიების წაკითხვა, რომლებიც “ყოფილთან” დაბრუნების ნეგატიურ მხარეებს შეეხება.

აპლიკაცია ფასიანია – 10 დღის განმავლობაში 99 დოლარი ღირს, ერთი თვის ღირებულება კი 400 დოლარია.

დატოვეთ კომენტარი

კომენტარები

Загрузка...