მთელი ღამის განმავლობაში, საავადმყოფოში Gem fest-ის კიდევ ექვსი მონაწილე გადაიყვანეს – ამის შესახებ საზოგადოებრივს ზუგდიდის რეფერალურ საავადმყოფოში განუცხადეს. 

Gem fest-ის ტერიტორიიდან სასწრაფო სამედიცინო დახმარების სამსახურის მიერ ზუგდიდის რეფერალურ საავადმყოფოში შეყვანილი ექვსი პაციენტიდან, ხუთს სხვადასხვა სიმპტომები, ერთს კი, უცხო ნივთიერებით ინტოკსიკაცია აღენიშნებოდა.

„19 წლის გოგონა, რომელიც უცხო ნივთიერების ინტოქსიკაციით შემოიყვანეს, ამ დრომდე, საავადმყოფოში რჩება. მისი მდგომარეობა სტაბილურია. დანარჩენი ხუთი, უკვე გავწერეთ. მათ აღენიშნებოდათ მცირე ნაკაწრები, ნამზეური, მაღალი სიცხე“ – განუცხადა საზოგადოებრივს ზუგდიდის რეფერალური ჰოსპიტალის მორიგე ექიმმა ლაშა გრიგოლიამ.

ბოლო რამდენიმე დღის განმავლობაში, მსგავსი სიმპტომებით Gem fest-ის რამდენიმე მონაწილე გადაიყვანეს საავადმყოფოში. 4 აგვისტოს ზუგდიდის რეფერალურ ჰოსპიტალში GEM Fest-იდან გადაყვანილი ახალგაზრდა ქალი გარდაიცვალა. წინასწარი ინფორმაციით, გარდაცვალების მიზეზი ძლიერი ინტოქსიკაცია გახდა.

1tv.ge

დატოვეთ კომენტარი

კომენტარები

Загрузка...