მებრძოლი ქალი, რომელიც ამერიკელ კინოვარსკვლავს გავდა, სირიაში ჯიჰადისტებთან შეტაკებისას მოკლეს.
ეიშა რამაზან ანტარი ქურთისტანის ქალთა დაცვის დანაყოფთა რიგებში მსახურობდა. 22 წლის მებრძოლი ქალი, როგორც აბობენ ისლამური სახელმწიფოს მებრძოლებთან შეტაკებისას დაიღუპა სირიაში, თურქეთის საზღვართან.
მებრძოლმა ქალმა მეტსახელი “ქურთი ანჯელინა ჯოლი” მისი ჰოლივუდის მეგავარსკვლავთან მსგავსების გამო მიიღო. მაგრამ გავრცელდა სხვა ვერსიაც, რომ 22 წლის შავგრემანი მებრძოლი ტერორისტულ დაჯგუფებასთან სასტიკი შეტაკებისას ჩრდილოეთ სირიაშია დაღუპული.
.
jolie_face
.
ანტარი 1996 წელს დაიბადა და სირიის ქურთულ სახალხო თავდაცვის რაზმს 2014 წელს შეუერთდა.  სანამ მოკლავდნენ, ის მონაწილეობას იღებდა ჩრდილოეთ სირიაში ისლამური სახელმწიფოს წინააღმდეგ მთელ რიგ მნიშვნელოვან ბრძოლებში. ორგანიზაცია “ჩვენ გვინდა თავისუფლება ქურთისტანისთვის” ფეისბუქის გვერდზე გამოქვეყნებულ განცხადებაში ნათქვამია, რომ “იგი რადიკალური დაჯგუფება დაეში–ს წინააღმდეგ იბრძოდა”. მისი დაღუპვის ვერსიის გადამოწმება ჯერ კიდევ მიმდინარეობს, ხოლო ზოგიერთი ცნობები ადასტურებენ, რომ იგი სირიის დემოკრატიული ძალების (SDF) და თურქეთის მიერ მხარდაჭერილი სირიის ოპოზიციის შეტაკების დროს მოკლეს.
ქალთა დაცვის რაზმი (YPJ) მხოლოდ ქალებისგან დაკომპლექტებული ნაწილია, ქურთისტანის სახალხო დაცვის ერთეულში (YPG), რომელიც ისლამური სახელმწიფოს დაჯგუფებებს ერაყისა და სირიის ქურთულ ტერიტორიებზე ებრძვის.
ypg-1024x687
.
ქურთისტანის სახალხო დაცვის ერთეულში 50000–მდე მებრძოლია, რომელთაგან 20 პროცენტი ქალი და ქალებისგან შემდგარი მილიციის დანაყოფებია, რომელიც ძირითადად ქურთებისგან შედგება. მათ მნიშვნელოვანი როლი ითამაშეს ექსტრემისტების თურქეთის საზღვრიდან მოშორებაში.
წყარო postalioni.com

დატოვეთ კომენტარი

კომენტარები

Загрузка...