ქედაში დაშავებული ბავშვებიდან სამი ამ დრომდე საავადმყოფოში რჩება. ერთ-ერთი მათგანი რეანიმაციულ განყოფილებაშია მოთავსებული. როგორც აჭარის ჯანმრთელობისა და სოციალური დაცვის მინისტრის პირველი მოადგილე ლელა სურმანიძე „ინტერპრესნიუსთან“ საუბრისას აცხადებს, დაშავებული ბავშვების ჯანმრთელობის მდგომარეობა ამ დროისათვის დამაკმაყოფილებელია.

“სტაციონარში სამი ბავშვი რჩება. ორ ტვინის შერყევა აქვს მიღებული, ხოლო მესამე დაშავებული რეანიმაციულ განყოფილებაში იმყოფება, რომელსაც ოპერაცია ჩაუტარდა. საერთო ჯამში ბავშვების ჯანმრთელობის მდგომარეობა სტაბილურია“,- აცხადებს ლელა სურმანძე.

არსებული ინფორმაციით, ორი დღის წინ ქედის ცენტრალურ საავტომობილო გზაზე მოძრავ მიკროავტობუსში მსხდომმა ბავშვებმა კარი გააღეს და გადმოვარდნენ. დაშავებულ ბავშვებს პირველადი სამედიცინო დახმარება ქედის სამედიცინო ცენტრში გაუწიეს. მოგვიანებით კი ბავშვები ბათუმის დედათა და ბავშვთა საავადმყოფოში გადაიყვანეს.

მომხდარზე გამოძიება სსკ-ის 276-ე მუხლით დაიწყო, რაც სატრანსპორტო მოძრაობისას წესების დარღვევას გულისხმობს.

ipn.ge

დატოვეთ კომენტარი

კომენტარები

Загрузка...