`რატომ გახდა თბილისში საგინებელი სიტყვა ,,შე არაპროდასავლელო’’? ჩემო კარგო ,,იმანო’’ პარტიებო, ენჯეოებო და კიდევ ვინც თავს ,,პროდასავლელად’’ თვლით. რა არის თქვენთვის (შენთვის, იმისთვის) პროდასავლელობა? მხოლოდ და მხოლოდ ,,პაეზდკა’’ ევროპის რომელიმე ქვეყანაში ,,საშოპინგოდ’’. მოიცა, ადამიანის წამების, მოკვლის, დევნის, თვალთვალის, შტატიანი ყავარჯნიანი ცხოველი გამაუპატიურებლი, ქონების წამრთმევი რანაირად უნდა იყოს ,,პროდასავლელი’’ აი ეს ამიხსნას ვინმემ.
ან კიდევ, ჩემო ,,პრადვინუტო სასტავო’’, შენ გეუბნები, ჰო-შენ, შენა ხარ ევროპელი? აბა მანქანას ტროტუარზე რატომ მიჩერებ თბილისში? აბა თუ მაგარი ,,დერსკი’’ ხარ ასე ბერლინის ქუჩაში მოიქეცი, ან თუნდაც საცხოვრებელ სახლს მიაშენე ლოჯი, ან სკვერი გაჩეხე და სახლი ჩადგი, ან სტადიონი გაუყიდე ბავშვებს და მაღლივი კორპუსი ჩადგი.
მიდი, აბა, თუ ბიჭი ხარ? ვერა? კურდღელი ხარ ჩემო კარგო ,,იმანო’’. აქ შენივე ქაჯი მედია-მხარდაჭერით შეიქმენი იმიჯი, რომ ,,ძაან ტაკოი’’ პროდასავლელი ხარ. პროდასავლელი კი არა მთხლე ხარ ვიღაცა ხარ. ევროპელობა შენით დაიწყე, მოდი ჩემს ენაზე გეტყვი:
ნუ ჩაუვლი შუქნიშანზე მომლოდინე კანონმორჩილ შენივე ,,პრო-აზიელ’’ თანამოქალაქეებს, ნუ გადახვალ ,,ვსტრეჩნიზე’’ და ნუ ჩაუდგები წინ.ნუ შეიცვლი რიგს ისე, რომ შენს უკან მომავალ ავტომობილს არ მოუხდეს მკვეთრი დამუხრუჭება. ნუ გააჩერებ მეორე ზოლში და ნუ წარმოქმნი შენს უკან საცობს. ნუ დააფრთხობ ,,ზებრაზე’’ მყოფ ქვეითს, გაატარე ზრდილობიან კაცს რომ შეშვენის-ისე. ჰო, ის როგორ არის? კატალიზატორს 100 ლარად რომ ჩააბარებ ელიავაზე და მერე ,,გაწევა’’ ემატება? რა ქაჯი ხარ ამას რომ აკეთებ ვიღაცა ხარ და შენ მელაპარაკები ,,ევროპელობაზე’’?
ქაჯი ხარ, აბა ვინ ხარ, ყიდულობ მოსიარულე ციხე-სიმაგრეს მიშენებული ლოჯით და დაშენებული მანსარდით(ხანდახან ,,დიდ ჯიპებსაც’’ უწოდებთ ხოლმე თქვენს წრეში) და მერე გაზზე რომ გადაგყავთ-შენახვის თავიც რომ არ გაქვთ. ჰო, მე სწორედ ,,იმანო’’ პარტიების ლიდერებს და მათ მხარდამჭერებს მივმართავ, რომლებმაც ამ ბოლო დროს ,,ვერხის აღება’’ პროდასავლელობის იმიჯის მორგებით დაიწყეს.
ბიძიკოებო, ევროპელობა თქვენი ამოტრიალებული მენტალიტეტის გასწორებაა, ევროპელობა წესრიგია, ევროპელობა გარემოს გაფრთხილებაა, ევროპელობა განათლებაა, ევროპელობა კულტურაა, ევროპელობა დედაქალაქის სისუფთავის დაცვაა, ევროპელობა თანაგანცდაა თანამოქალაქის მიმართ(მერე რა რომ შენ არ შეგეხნენ ,,იმ დროს’’), ააა, ეგ უნდა დავივიწყოთ? მოიცა, გაწყრა ღმერთი და თქვენც რომ შეგეხოთ უსამართლობა-მეც ცხვირი გავწიო გვერდზე თქვენსავით და ვთქვა-რა დროს წარსულის ,,ქექვის’’ დროა-ახლა ჩვენ პროდსაავლურ კურსს არ უნდა შევუქმნათ საფრთხე?
მოდი, ძმურად გეტყვი ერთ რამეს:
ევროპელობა შენით დაიწყე, შენ მაჩვენე მაგალითი.
ვიცი გაგიჭირდება, მაგრამ სცადე, დაგეხმარებით და იქნებ შენგან ,,პროდასავლელი’’ თუ არა ნორმალური მოქალაქე(პარტია, ,,ენჯეო’’) გამოვიდეს.
მიდი, ნუ დაიზარებ!
იცოდე, მეორედ შენგან(თქვენგან, იმათგან) აღარ გავიგო საზოგადოების ხელოვნურად კიდევ რამდენიმე ნაწილად დაყოფის მცდელობა, თორემ კარგ ალიყურსაც გამოგვრჩები(თ).
აბა, წარმატებებს გისურვებთ ` – წერს ფეისბუქის საკუთარ გვერდზე საკრებულოს დეპუტატი _ შალვა ობგაიძე.

წყარო postalioni.com

დატოვეთ კომენტარი

კომენტარები

Загрузка...