ქართული ფილმი „8 წუთი“, შესაძლოა, ოსკარის ნომინანტი გახდეს. მანჰეტენის ფესტივალზე გამარჯვების შემდეგ ფილმი ამერიკულ კინოაკადემიას ეგზავნება, რის შემდეგაც კინოაკადემიის მიერ, მსოფლიოს სხვადასხვა ქვეყნიდან წარდგენილ ფილმებს შორის ჯერ ცხრა სურათი სახელდება, საბოლოოდ, კი ოსკარის მოკლემეტრაჟიანი ფილმის ნომინაციისთვის ხუთი ფილმი ირჩევა.

კინოაკადემიის ყურადღება და ინტერესი რომ დაიმსახუროს, ქართულ ფილმს წინ რამდენიმეთვიანი მარათონი, საკმაოდ რთული და დატვირთული გრაფიკი ელოდება.

ფილმი საუკეთესო მოკლემეტრაჟიანი ფილმების კატეგორიისთვის იბრძოლებს.

იქნება თუ არა „8 წუთი“ საუკეთესო მოკლემეტრაჟიანი ფილმების კატეგორიაში, ეს 2018 წლის 23 იანვარს, ნომინანტთა საბოლოო სიის გამოცხადების შემდეგ გახდება ცნობილი.

ფილმი აპოკალიფსური შინაარსისაა. “8 წუთი“ მზის ჩაქრობის შემთხვევაში, დედამიწაზე სინათლის სხივის გაქრობას სჭირდება.

ფილმი Siberfilms-ის სადებიუტო ნამუშევარია. რომელიც ახალგაზრდა რეჟისორებს გიორგი გოგიჩაიშვილს, დათო აბრამიშვილს, სცენარისტებს მარი ბექაურს, ზაზა კოშკაძესა და პროდიუსერებს გეგა ხმალაძეს, მაგდა დათუაშვილს აერთიანებს.

ფილმში მთავარ როლებს ანი ბებია, გიორგი შარვაშიძე და სლავა ნათენაძე ასრულებენ.

რაც შეეხება ოსკარების დაჯილდოებას, ცერემონია 2018 წლის 4 მარტს, ლოს-ანჯელესში, დოლბის თეატრში ჩატარდება.

 

დატოვეთ კომენტარი

კომენტარები

Загрузка...