დღეს სოფლის მეურნეობის მინისტრმა ლევან დავითაშვილმა კახეთში, გურჯაანში ფერმერებთან და ექსპორტიორებთან შეხვედრაზე განაცხადა, რომ ქართული ატამი წელს აზერბაიჯანისა და რუსეთის ბაზარზე გავა. ლევან დავითაშვილი ამბობს, რომ ამ საკითხზე მოლაპარაკებები უკვე ჰქონდა და პროცესი შეფერხების გარეშე წარიმართება. მისივე თქმით, ატმის ექსპორტისთვის პროცედურები მარტივდება. ,, მოხდება კახელი ფერმერების და ექსპორტიორების ერთობლივი კოორდინაცია, მოსავლის ექსპორტზე გატანისათვის საჭირო ფიტოსანიტარული და წარმოშობის სერთიფიკატის ,,ერთი ფანჯრის პრინციპით“ აღება მარტივად იქნება შესაძლებელი, ატმის მწარმოებლებს პროდუქციის შესახებ დოკუმენტაციის აღება მიმდინარე სეზონზე არა მხოლოდ თელავში, უკვე გურჯაანიც შეეძლება,“ – განაცხადა დავითაშვილმა.

დავითაშვილის განცხადებით, ყველაფერი მზად არის იმისათვის, რომ მიმდინარე წელს ატმის მოსავლის აღებამ და დაბინავებამ ორგანიზებულად ჩაიაროს. „მნიშვნელოვანი ნაბიჯები გადაიდგა ინფრასტრუქტურის მოწესრიგების მიზნით. ივლისიდან რეგიონში ამოქმედდება, სახელმწიფო თანადაფინანსების პროექტის ფარგლებში შექმნილი ახალი საწარმო, რომელიც ყველა სახის, როგორც სასურსათო, ისე სამრეწველო ატამს ჩაიბარებს, რაც გლეხს პროდუქციის რეალიზაციას მნიშვნელოვნად გაუმარტივებს. ექსპორტის ხელშეწყობის მიზნით გამარტივებულია საექსპორტო პროცედურები. “-განუცხადა imedinews-ს სოფლის მეურნეობის მინისტრმა.

ლევან დავიტაშვილის შეხვედრა ფერმერებთან

წყარო: imedinews.ge

დატოვეთ კომენტარი

კომენტარები

Загрузка...