ჩინეთის ხელოვანთა ასოციაციის ორგანიზებითა და საქართველოს კულტურისა და ძეგლთა დაცვის სამინისტროს მხარდაჭერით, საქართველოს ეროვნული მუზეუმის თბილისის ისტორიის მუზეუმი („ქარვასლა“) დღეს გამოფენას „ხელოვნება და მშვიდობა – თანამედროვე ჩინური ხელოვნება“ უმასპინძლებს. როგორც „ინტერპრესნიუსს“ კულტურის სამინისტროდან აცნობეს, გამოფენაზე წარმოდგენილი იქნება ჩინეთის ხელოვანთა ასოციაციაში გაერთიანებული ცნობილი ჩინელი მხატვრების მიერ სხვადასხვა ტექნიკაში შესრულებული ნამუშევრები. მხატვრების მთავარი თემაა მსოფლიოში მშვიდობის შენარჩუნება, ჰუმანიზმი და ჩინეთის ჰარმონიული კულტურის გავრცელება ფართო საერთაშორისო საზოგადოებაში. 29 ნამუშევარი აერთიანებს ჩინურ მხატვრობას, ფერწერულ ტილოებს, ქანდაკებას, ბეჭდურ მასალას, აკვარელს, სინთეტიკურ მატერიას და სხვა.

დატოვეთ კომენტარი

კომენტარები

Загрузка...