რა არის ”ცუდი” გოგონების და ბიჭების სიყვარულის მიზეზი, მათი გარეგნული ღირსებები თუ ადვილად მოპოვების სურვილი? – სინამდვილეში პასუხი ბევრად მარტივია და მხოლოდ სამი სიტყვით – ”პირადი საზღვრების დაცვით” აიხსნება.

თავისუფალი და ეგოისტი ქალების, ზუსტად ისე, როგორც მამაკაცების, მიმზიდველობა, მათ სიმსუბუქეშია, რადგან ისინი არასდროს არღვევენ ჩვენს პირად საზღვრებს. ნებისმიერი მამაკაცი ”ცუდი გოგოსთვის” მარტივად შესაცვლელია, ზუსტად ისე, როგორც ნებისმიერი ქალი ”ცუდი ბიჭისთვის”. სწორედ ამიტომ, ყველასთვის სულერთია ვინ დაურეკა მის დროებით პარტნიორს სამი საათის წინ ან ჰყავს თუ არა მოცემულ მომენტში ცხოვრების მუდმივი თანამგზავრი.

”ცუდ” გოგონები და ბიჭები არასდროს ამყარებენ პარტნიორებზე განსაკუთრებულ იმედებს. ისინი არ ეჭვიანობენ და არ აწყობენ სკანდალებს, ამიტომ მათთან ურთიერთობისას არც ჩვენ მოგვეთხოვება ვიყოთ იდეალური. ასეთი ადამიანები ყოველთვის თავისუფლად არღვევნ ”ფიზიკურ” საზღვრებს, თუმცა, არასდროს იჭრებიან ჩვენს ცხოვრებაში. მათთვის ყველაფერი მარტივია – მოგვცემენ საკუთარ ტელეფონის ნომერს და სიტყვებით: ”თუ მოგინდება – დამირეკე!” გაურკვეველი დროით დაიკარგებიან.

რას აკეთებენ ”კარგი” გოგონები და ბიჭები, უფრო სწორად ისინი, ვინც ყველანაირად ცდილობს გახდეს ჩვენთვის კარგი? – ისინი

გჩუქნიან საჩუქრებს, გეფიცებიან სიყვარულს და თავისებურად ზრუნავენ ჩვენზე მაშინაც კი, როცა აბსოლუტურად არ გვჭირდებათ ეს მზრუნველობა. ჩნდება წყენა და იწყება პრეტენზიები, როგორც წესი სიტყვებით ”მე ასე ძალიან ვზრუნავ შენზე, შენ კი, ჩემს ზარებსაც არ პასუხობ”, ”სადილი მოგიმზადე, შენ კი, გვიან მოხვედი” ან ”რატომ არ პასუხობ ჩემს შეტყობინებებს?” თავიდან ჩვენ მოგვწონს ასეთი ურთიერთობა, მერე კი, გვბეზრდება და პირადი თავისუფლებაც ბევრად უფრო მნიშვნელოვანი ხდება.

ჩვენ ვხვდებით, რომ ”კარგი” ადამიანი არც ისეთი კარგია, როგორც ეს ერთი შეხედვით ჩანდა, მისი გაუთავებელი კონტროლი კი, ძალიან გამაღიზიანებელია, საკუთარი სიყვარულით გვახრჩობს და აღარ გვიტოვებს სივრცეს დამოუკიდებელი მოქმედებისთვის. ”ცუდი” გოგონები და ბიჭები კი, სწორედ იმიტომ მოგვწონს, რომ მათ დრაივი და თავისუფლება მოაქვთ, არც თვითონ არიან პასუხისმგებლები არაფერზე და არც ჩვენგან მოითხოვენ, არასდროს არღვევენ ჩვენს პირად საზღვრებს და არც საკუთარის დარღვევის უფლებას გვაძლევენ.

დატოვეთ კომენტარი

კომენტარები

Загрузка...