ალბათ ყველა თქვენთაგანს მოსდის მობილურ ტელეფონზე ბანკებისაგან შეტყობინება სესხების მიღების თაობაზე. მიუხედავად იმისა, რომ შესაძლოა, ცოტა ხნის წინ გითხრეს, „გაშავებული“ ხართო, მაინც გთავაზობენ თანხის გატანას და ცდილობენ, ერთგვარ „ხაფანგში“ გაგაბან. როცა ფინანსურად მძიმე მდგომარეობა გაქვთ და მოგდით ბანკის შეთავაზება, გაუაზრებლად, მხსნელად მიგაჩნიათ იგი, მაშინვე თანხმდებით სესხზე და მერე იწყება ყველაფერი.
ამ თემაზე ამახვილებს ყურადღებას უფლებადამცველი დიმიტრი ლორთქიფანიძე და აფრთხილებს საზოგადოებას, არავითარ შემთხვევაში არ დათანხმდნენ ბანკების შეთავაზებას, რადგან ეს არის „სატყუარა და ფულის მახე“.
დიმიტრი ლორთქიფანიძე:
„მეგობრებო, გთხოვთ გაფრთხილდეთ და არ წამოეგოთ Express bank -ის (იგივე „საქართველოს ბანკის”) მიერ შემოთავაზებულ წინადადებას 800 ლარიანი კრედიტის დამტკიცების თაობაზე, რასაც ალბათ მრავალი თქვენგანი მიიღებდა მობილურებში შეტყობინების სახით. საქმე იმაშია, რომ გთავაზობენ 800 ლარს 12 თვის ვადით , თუმცა პირობას გაცნობენ კრედიტის აქტივაციის შემდგომ, როცა უკვე ყველაფერი გვიანია, კერძოდ, თქვენ დგებით იმ ფაქტის წინაშე, რომ – 39 ლარი გატანის საკომისიო გეჭრებათ; 1 წლის მანძილზე ორ კვირაში ერთხელ უნდა იხადოთ 40 ლარი ანუ თვეში 80 ლარი, რაც არ აკლდება ძირს(!) ხელშეკრულების ვადის გასვლისთანავე აბრუნებთ 800 ლარს, წინააღმდეგ შემთხვევაში გერთვებათ საჯარიმო სანქციები. 12 თვეში მომხმარებელი იხდის 1800 ლარს, რაც ნიშნავს რომ პროდუქტი ძვირდება 125% ით!“

წყარო: postalioni.com

დატოვეთ კომენტარი

კომენტარები

Загрузка...