ფოთში, 9 აპრილის ხეივანში, ქალმა 45 წლის კაცი მოკლა. გარდაცვლილს ჭრილობები გულ-მკერდის არეში აქვს მიყენებული. ის საავადმყოფოში მიყვანამდე გარდაიცვალა. ინფორმაციას Ipn ავრცელებს.

მკვლელობის მიზეზი მეზობლებისთვის უცნობია. მათი თქმით, დანაშაულში ეჭვმიტანილი მოკლულის მეგობარი ქალია.

როგორც ადგილობრივები ამბობენ, მათი საცხოვრებლიდან ხშირად ხმაური გამოდიოდა.

“ისინი ხშირად სვამდნენ და ჩხუბობდნენ. ჭრილობა დანითაა მიყენებული. მიზეზი ჩვენთვის უცნობია,“- განაცხადა გარდაცვლილის მეზობელმა მანანა გოგოლაურმა.

შსს-ს ინფორმაციით, ეჭვმიტანილი დაკავებულია და საქმე სისხლის სამართლის კოდექსის 108-ე მუხლით აღიძრა, რაც განზრახ მკვლელობას გულისხმობს.

დატოვეთ კომენტარი

კომენტარები

Загрузка...